बाढीपहिरो प्रभावित क्षेत्रको अवलोकनमा जाँदै प्रधानमन्त्री प्रचण्ड र गृहमन्त्री श्रेष्ठ

काठमाडौं । प्रधानमन्त्री पुष्पकमल दाहाल पूर्वी नेपालका ताप्लेजुङ,पाँचथर र संखुवासभा जिल्लामा बाढी र पहिरोबाट भएको जनधनको क्षतिको स्थलतगत अवलोकनका लागि जाने भएका छन्।

प्रधानमन्त्री र गृहमन्त्रीका साथमा प्रतिनिधिसभाका सदस्य तथा पूर्वमन्त्री योगेशकुमार भट्टराई समेत सहभागी हुने स्रोतले जनाएको छ।

ताप्लेजुङका प्रमुख जिल्ला अधिकारी गोमादेवी चेम्जोङका अनुसार प्रधानमन्त्री दाहाल र गृहमन्त्री श्रेष्ठले पहिले ताप्लेजुङको प्रभावित क्षेत्रको अवलोकन गरेपछि संखुवासभा र त्यसपछि ताप्लेजुङको भ्रमण गर्ने योजना रहेको ।

आज बिहानबाट सांसद भट्टराईको नेतृत्वमा प्रधानन्त्री निवास बालुटावार पुगेको प्रतिनिधिमण्डलले बाढी तथा पहिरो पीडितको राहत तथा उद्धारको कार्य थाल्न सरकारको ध्यानाकर्षण गराएको थियो ।