भदौभित्रै चीन भ्रमणमा जाने तयारीमा प्रधानमन्त्री प्रचण्ड

काठमाडौं । प्रधानमन्त्रीका प्रमुख राजनीतिक सल्लाहकार हरिबोल गजुरेलले प्रधानमन्त्री पुष्पकमल दाहाल ‘प्रचण्ड’ को चीन भ्रमण चाँडै नै हुने बताएका छन् । हिजो (शनिबार) प्राइम टाइम्स टेलिभिजनको ‘जनता जान्न चाहन्छन्’ कार्यक्रममा पत्रकार ऋषि धमलासँग संवाद गर्दै उनले भदौंभित्रमै प्रधानमन्त्री प्रचण्डले चीनको पनि भ्रमण गर्ने बताएका हुन् ।

‘प्रधानमन्त्रीको चीन भ्रमण पनि छिट्टै हुँदैछ । भदौंको पहिलो साता चीन भ्रमण हुनसक्छ रु चीनसँगको सम्बन्धलाई सुदृढ गर्ने कुरा हो । भारतसँगको सम्बन्ध हाम्रो सहजीकरण हुँदै गयो । केही सुदृढ भयो । चीनसँगको सम्बन्ध पनि सुदृढ गर्नुपर्छ र विश्वासको वातावरण अझ बढाउन पर्छ भन्ने हो,’– उनले भने ।

ललिता निवास जग्गा छानविन प्रक्रियाले सत्ता शंकटमा नपर्ने उनको दाबी छ । अनुसन्धानका क्रममा उक्त प्रकरणमा जो–जो जोडिए पनि कसैले उन्मुक्ति नपाउने उनको भनाई छ । भ्रष्टाचारले व्यवस्था र परिवर्तन नै धरापमा पर्न लागेको अवस्थामा प्रधानमन्त्री प्रचण्डले भ्रष्टाचार विरोधी अभियान चलाएको उनको दाबी छ । प्रचण्डको अहिलेको भ्रष्टाचार विरोधी अभियानमा प्रचण्डलाई साह्रा जनताको साथ रहेको उनले बताए ।

‘कारबाही गर्नु नगर्नु उहाँ (प्रचण्ड) को कुरा होईन । कानुनी प्रक्रियाको कुरा पनि हो । अनुसन्धानको प्रक्रिया जारी रहेको छ । को–को त्यसमा जोडिन्छन् । उहाँ (प्रचण्ड) यी चिजहरुलाई अगाडि बढाउने पक्षमै हुनुहुन्छ । यो कुराले सत्ता खतरामा पर्दैन । पुराना पार्टीहरुले सरकारमा जो आएको भएपनि यो काम गर्नैपथ्र्यो । परिवर्तन नै धरापमा पर्ने खतरा भइराखेको थियो । जनतामा विस्तारै निराशा बढ्दै गइराखेको थियो । यो स्थितिमा जो आएपनि गर्नैपथ्र्यो । प्रचण्डले सुरुदेखि नै संकल्प गर्नुभयो र उहाँ अगाडि बढुन्ु भयो । केही मान्छेहरुले विरोध गरेपनि आम जनताले साथ छ भनिरहेका छन्,’– उनले भने ।