बेहुलाको यस्तो कार्यले रिसाइन् दुलही, बिहेको भोलिपल्ट डिभोर्स

एजेन्सी । विवाह कसैको जीवनमा सबैभन्दा ठूलो खुशी मध्ये एक हो । श्रीमान श्रीमतीले एकअर्कालाई बुझ्न केही महिना लाग्छ । तर, एक युवती आफ्नो श्रीमानको यस्तो कार्यबाट यति दुखी भइन् कि उनले बिहेको भोलिपल्ट नै सम्बन्ध विच्छेद गरिन् ।

उनी आफ्नो श्रीमानको कार्यबाट यति डराएकी थिइन् कि उनलाई अगाडिको जीवन गाह्रो भयो । युवतीले भनिन्, ‘म बिहेको दिन कुनै स्टन्ट गर्न चाहदिनथे । त्यसैले केक काट्ने बेला आएपछि केक अनुहारमा नमाल्नु भनी श्रीमानलाई भनेकी थिएँ । तर, उसले मेरो इच्छाको कदर गरेन र केहि खराब कार्य गर्यो ।’

मिररको रिपोर्टका अनुसार ती महिलाले भनिन्, ‘क्रिसमसअघि नै मैले विवाह गरेकी हुँ र जनवरीको अन्त्यसम्ममा सम्बन्ध विच्छेद हुने आशा गरेको छु ।’

निर्णय परिवर्तन नहुने
दुलहीले भनिन्, ‘मैले त्यही क्षण भनेँ यो सम्बन्ध टुट्यो । तर, त्यसपछि परिवारका सबै सदस्यबाट फोन आउन थाल्यो । यस्तो गर्नु हुँदैन । सम्बन्ध टुट्ने निर्णय यति चाँडो गर्नु हुँदैन । उसले दोस्रो मौका पाउनु पर्छ । मैले उसलाई सम्बन्धविच्छेदका कागजातहरू पठाएँ र स्पष्टसँग भनें कि मेरो इच्छालाई सम्मान गर्न नसक्ने व्यक्तिसँग कसरी बस्न सक्छु ।’

युवतीले भनिन्- ‘म वर्षौं अघि कार दुर्घटनाका कारण क्लस्ट्रोफोबिक भएको थिएँ । यो कुरा उसलाई पनि थाहा थियो तर उसले वास्ता गरेन । महिलाले भनिन्, म ढुक्क छु र अब आफ्नो निर्णय बदल्ने छैन ।’