श्रीमान्‌सँग ठाकठुकपछि कञ्चनले आफ्नै शरीरमा लगाइन् आगो

काठमाडौं । नवलपरासी (बर्दघाट सुस्तापूर्व) को गैँडाकोटमा एक महिलाले आफ्नै शरीरमा आगो लगाएकी छन् । बुधबार दिउँसो ३ बजे चितवन घर भई गैँडाकोट–२ एसपिएम चोकनजिक डेरामा बस्ने २३ वर्षीया कञ्चन कुमालले शरीरमा आगो लगाएकी हुन् ।

श्रीमान्‌सँग सामान्य झैझगडा हुँदा आफ्नै कोठामा भित्रबाट चुकुल लगाई शरीरमा पेट्रोल छर्की आगो लगाई घाइते भएकी थिइन् । उनको अनुहार लगायत शरीरको माथिल्लो भाग जलेको प्रहरीले जनाएको छ । घाइते कुमालको भरतपुर अस्पतालमा उपचार भइरहेको छ । प्रहरीले घटना बारे अनुसन्धान गरिरहेको छ ।