गल्तिले पनि घरका यी ५ स्थानमा नराख्नुहोस् जुत्ता चप्पल, बनाउनेछ कंगाल

एजेन्सी । वास्तुशास्त्रमा दिशाको विशेष महत्व मानिन्छ । घरमा सधैं सुख समृद्धि कायम राख्न वास्तुका नियमहरू पालना गर्नुपर्छ । जुन घरमा वास्तुको नियमको पालना हुँदैन, त्यहाँ मानसिक तनाव, आर्थिक समस्या र नकारात्मकता सधैं हावी रहन्छ भन्ने विश्वास गरिन्छ । यसबाट जनजीवन नराम्ररी प्रभावित हुन्छ ।

वास्तुका अनुसार घरमा राखिएका वस्तुहरू सही दिशामा छन् भने सकारात्मक ऊर्जा प्रवेश गर्छ । वास्तु शास्त्रमा घरमा सबै चीज राख्नको लागि सही दिशाको बारेमा बताईएको छ । वास्तुमा जुत्ता र चप्पल राख्नका लागि केही नियम पनि दिइएको छ, यदि पालना नगर्दा घरमा अशान्ति फैलिन सक्छ । जान्नुहोस् वास्तुशास्त्र अनुसार घरमा जुत्ता र चप्पल कहाँ राख्ने र कहाँ राख्न हुँदैन रु

यी ठाउँमा जुत्ता र चप्पल कहिल्यै नराख्नुहोस्

जुत्ता र चप्पल घरमा तुलसीको बोटको छेउमा कहिल्यै राख्नु हुँदैन । यसो गर्नाले घरमा गरिबी आउन सक्छ र परिवारका सदस्यहरूबीच झगडा हुन सक्छ । यसो गर्नाले घर नकारात्मक उर्जाले भरिन्छ ।

घरको सुत्ने कोठामा जुत्ता र चप्पल कहिल्यै राख्नु हुँदैन । वास्तुशास्त्रमा यसो गर्नु उचित मानिएको छैन । सुत्ने कोठामा जुत्ता र चप्पल राख्नाले दाम्पत्य जीवनमा समस्या आउन सक्छ । यसो गर्नाले पति पत्नीबीच झगडा बढ्न सक्छ । त्यसैले यो कुरा मनमा राख्नुहोस् ।

घरको मुख्य ढोकामा जुत्ता र चप्पल राख्नु अशुभ मानिन्छ । वास्तुका अनुसार घरको मुख्य प्रवेशद्वारमा चप्पल र जुत्ता फुकाल्दा देवी लक्ष्मीलाई रिस उठ्छ र मानिसले आर्थिक संकट झेल्नु पर्ने हुन्छ । यसो गर्दा आर्थिक क्षति हुन सक्छ ।

धेरै व्यक्तिहरू जुत्ता र चप्पल लगाएर भान्सामा काम गर्छन् वा आफ्ना जुत्ता र चप्पलहरू पनि त्यहीँ राख्छन् । तर, त्यसो गर्नु हानिकारक मानिन्छ । वास्तुशास्त्र अनुसार अग्नि र भोजन दुवैलाई पूजायोग्य मानिन्छ । जसका कारण यस क्षेत्रमा जुत्ता र चप्पल राख्नु अशुभ मानिन्छ ।

मानिसहरूले घरमा राखिएको सेफ नजिक जुत्ता र चप्पल कहिल्यै राख्नु हुँदैन । जहाँ पैसा राखिन्छ, त्यहाँ लक्ष्मीको बास हुने जनविश्वास छ, त्यसैले जुत्ता र चप्पल लाएर गएमा लक्ष्मीलाई रिस उठ्न सक्छ ।

यस दिशामा जुत्ता र चप्पल राख्नु शुभ

जुत्ता र चप्पल राख्ने सही दिशा वास्तुशास्त्रमा विस्तृत रूपमा व्याख्या गरिएको छ । घरमा जुत्ता र चप्पल राख्नको लागि जुत्ता र्याक बनाइन्छ वा ठाउँ छनोट गरिन्छ र जुत्ता र चप्पलहरू सधैं त्यहाँ राखिन्छ ।

वास्तुशास्त्र अनुसार घरमा जुत्ता र चप्पल राख्नको लागि दक्षिण वा पश्चिम दिशाको छनौट गर्नुहोस् । यस दिशामा जुत्ता र चप्पल राख्नु शुभ मानिन्छ । यसो गर्दा घरमा सकारात्मक उर्जा आउँछ र आर्थिक समस्याहरू हट्छ ।