इन्द्रजात्रामा कहाँ कहाँको सडकमा छ सवारी आवागमन निषेध ?

काठमाडौं । इन्द्रजात्रा पर्व विधिवत् रूपमा सुरू भएको छ । इन्द्रजात्रामा विभिन्न ठाउँको सवारी आवागमन प्रभावित हुने भन्दै काठमाडौं महानगरपालिकाले वैकल्पिक बाटो प्रयोग गर्न आग्रह गरेको छ ।

जात्राका क्रममा असोज ११ गते वसन्तपुर, मरू, चिंकमुगल, जैसीदेवल, लगन, ब्रह्मटोल, ह्युमत, कोहिटी, भीमसेनस्थान, मरु हुँदै वसन्तपुरसम्म रथयात्रा हुने हुँदा ती क्षेत्रमा सवारी आवागमन प्रभावित हुने महानगरपालिकाले जनाएको छ ।

यस्तै असोज १२ गते वसन्तपुर, प्याफल, यट्खा, नरदेवी, टेंगल, न्ह्योखा, न्हेकतला, असन, मच्छिन्द्रबहाल, इन्द्रचोक, मखन, हनुमानढोका हुँदै वसन्तपुरसम्म रथयात्रा हुनेछ ।

असोज १५ गते वसन्तपुर, प्याफल, यट्खा, नरदेवी, किलाघ भेडासिं, इन्द्रचोक, मखन हुँदै वसन्तपुरसम्म रथयात्रा हुनेछ । यो दिन महिलाले रथ तान्ने परम्परा छ ।