अभिषेक खड्का । अष्ट्रेलियाको राजधानी क्यानबेरामा पाचौँ starlink  नेपाल एम्बेसी कप २०२३ गत शनिबार सम्पन्न भएको छ । क्यानबेरा नेपलीज फुटबल क्लब (CNFC)  को आयोजनामा भएका उक्त प्रतियोगितामा १६ टिमको सहभागिता रहेको थियो । क्यानबेरा सहित सिड्नि र ओरेन्जका नेपाली र भुटानी मुलका खेलाडीहरुले सहभागिता रहेको प्रतियोगिताको ताइनलमा st george फुटबल क्लबले नेपाल यूनाईटेड फुटबल क्लबलाई 4-0  को फराकिलो अन्तर सहित पराजित गर्दै उपाधि उचाल्न सफल भएको थियो । अष्ट्रेलियाको राजधानी क्यानबेराकोAIS grass field 3, 4  मा भएको प्रतियोगितामा प्रमुख अतिथिको रुपमा अष्ट्रेलियाको लागि नेपालका राजादुत कैलास राज पोख्रेलले खेलको उद्घाटज गर्नुभएको थियो । त्यसैगरि प्रतियोगितामा FeNCAA का President  डा. कृष्ण हमाल लगायतका अन्य विशिष्ट ब्यक्तिहरुको पनि उपस्थिती रहेको थियो ।

प्रतियोगिताको प्रमुख अतिथिको रुपमा रहनुभएका अष्ट्रेलियाकोे लागि नेपालका राजदुत कैलास राज प्रोख्रेलले यस्ता प्रतियोगिताले सबै अष्ट्रेलियाभर रहेका गैरआवसीय नेपालीहरुलाई जोड्ने अनि मजबुत बनाउदै लाने भएकाले यस्ता खेलहरु वर्षमा एकचोटि आयोजन गर्नुपर्ने अनि नेपाल एम्बेसिले यसको लागि आवश्यक सहकार्य गर्ने बताउनु भएको थियो । प्रतियोगितामा सिड्नीबाट ३ टिम, ओरेन्जबाट १ टिम र क्यानबेराबाट भुटानी समुदायबाट ४ टिमले सहभागिता जनाएका थिए । बिगत वर्षहरुमा मेलवर्न र अल्बरीबाट पनि सहभागिता रहेको तर यसपटक भने मेलवर्नमा पनि प्रतियोगिता छिट्टै हुने भएको हुनाले क्लबहरुले सहभागिता जनाउन नपाएको क्लवका अध्यक्ष भविन्द्र तिलिजाले जानकारी दिनुभएको थियो ।

प्रतियोगितामा प्रथम भएको टिम st george  फुटबल क्लबले ५००० (पाचँ हजार डलर ) नगद, कप र मेडल पाएको थियो भने उप विजेता नेपाल यूनाईटेड क्लबले २००० (दुई हजार डलर ) नगद, कप र मेडल पाएको थियो । आयोजक क्याबेरा नेपलीज फुटबल क्लव (cnfc)  प्रतियोगिताको सेमिफाइनल चरणबाट बाहिरिएको थियो ।

क्यानबेरा नेपलीज फुटबल क्लब (cnfc)   का अध्यक्ष भविन्द्र तिलिजाले प्रतियोगीता आयोजन गर्न पाएकोमा आफू धेरै खुसि रहेको र क्यानबेरा तथा क्विनबियन क्षेत्रमा रहनुहुने सबै नेपाली तथा भुटानी समुदायलाई खेल प्रत्यक्ष रुपमा हेरेर खेलको शोभा बढाई दिएर सहयोग गर्दिनु भएकोमा धन्यवाद व्यक्त गर्नुभएको थियो । कार्यक्रमको टाइटल स्पोन्सरको रुपमा  Starlink Mortage and Finance  रहेको थियो भने प्लाटिनम स्पोन्सर रुपमा 909 IT Solution   रहेको थियो । त्यस्तै गोल्ड स्पोन्सर रुपमा  Right and Associates  रहेको थियो ।