सुनको मूल्यमा सामान्य गिरावट , चाँदीको भने बढ्यो

काठमाडौं । नेपाली बजारमा आज सुनको मूल्य घटेको छ भने चाँदीकोे मूल्य बढेको छ । बिहीबार प्रतितोला एक लाख १९ हजार ३ सय रुपैयाँमा कारोबार भएको छापावाला सुनको मूल्य आज तोलामा ३ सय रुपैयाँले घटेको छ । आज छापावाला सुन प्रतितोला एक लाख १९ हजारमा कारोबार भइरहेको छ ।

नेपाल सुनचाँदी व्यवसायी महासंघका अनुसार आज तेजावी सुन तोलामा १ लाख १८ हजार ४ सय ५० रुपैयाँमा कारोबार भइरहेको छ । महासंघका अनुसार आज चाँदीको मूल्य भने बढेको छ । आज चाँदी प्रतितोला १ हजार ५ सय ४० रुपैयाँमा कारोबार भइरहेको छ ।