वडा अध्यक्ष होटलबाट अर्धनग्न अवस्थामा रंगेहात पक्राउ

धरान । सुनसरीको रामधुनी नगरपालिका वडा नम्बर ७ का वडा अध्यक्ष केशव गौतम एक महिलासँग अनैतिक सम्बन्ध राखिरहेको अवस्थामा होटलबाट रंगेहात पक्राउ परेका छन् । शनिबार दिउँसो धरान १२ को शुभकामना होटलबाट गौतमलाई रंगेहात पक्राउ गरेको इलाका प्रहरी कार्यालय धरानले जनाएको छ ।

गौतमसँग अनैतिक सम्बन्ध राख्ने महिलाका श्रीमानले शङ्का लागेर केही महिनादेखि नै श्रीमतीको फलो गर्दै होटलसम्म पुगेका थिए । उनकै सूचनाको आधारमा प्रहरीले वडा अध्यक्ष गौतमलाई शनिबार दिउँसो ३ बजे पक्राउ गरेको हो ।

नेकपा (एमाले) सुनसरी जिल्ला कमिटीका सदस्य समेत रहेका गौतम २०७९ को स्थानीय तह निर्वाचनमा वडा अध्यक्ष निर्वाचित भएका हुन् । त्यसअघि २०७४ सालको स्थानीय तह निर्वाचनमा समेत उनी वडा अध्यक्ष निर्वाचित भएका थिए । यो उनको दोस्रो कार्यकाल हो ।

पक्राउ परेकी श्रीमतीका श्रीमान् र वडाध्यक्ष बिच घनिष्ठ सम्बन्ध रहेको र महिला सामान्य गृहिणी नै रहेको स्रोतको भनाई छ । हाल वडाध्यक्ष प्रहरी हिरासतमा नै रहेको आइतबार छलफल हुने बताइएको छ ।