बाघको आक्रमणबाट पर्सामा एक जनाको निधन

वीरगंज । पर्साका एक युवकको बाघको आक्रमणबाट एक जनाको मृत्यु भएको छ । पटेर्वासुगौली गाउँपालिका २ थरकटी गाउँका ३० वर्षीय मनोज महतो उराँवको गएराति मृत्यु भएको हो ।

शौच गर्न घर नजिकैको जङ्गल छेउतिर निस्केका उनलाई बाघले आक्रमण गरेको थियो । अबेरसम्म घर नफर्केपछि स्थानीय बासिन्दाले खोजतलास गरेका थिए ।

गाउँदेखि २०० मिटरको दूरीमा मृत अवस्थामा भेटिएको छ । घटनास्थल अवलोकन गर्दा बाघको आक्रमणबाटै उनको मृत्यु भएको देखिएको ईलाका प्रहरी कार्यालय पटेर्वासुगौलिले जनाएको छ ।