काठमाडौँ । सेयर बजार परिसूचक सोमबार १५.३३ अंकले बढेको छ। बजार खुलेको करिब दुई घण्टामा २०८२ अंकमा ओर्लिएको नेप्से त्यसपछि उकालो लागेर अन्तिममा २२०१.१६ विन्दु कायम भएको हो ।
अन्य बाहेक बाँकी सबै उपसमूहले नेप्से हरियो बनाएका हुन्। उत्पादन तथा प्रशोधन उपसमूहको सूचक सबैभन्दा धेरै २.२२ प्रतिशतले बढेको छ । बजारमा ४५ कम्पनीका लगानीकर्ताले गुमाउँदा १९९ कम्पनीका लगानीकर्ताले कमाएका छन् ।
बोटलर्स नेपाल बालाजु, समाज लघुवित्त लगायत पाँच कम्पनीको सेयर मूल्य सर्किट लागेर बढेको छ। पोहोर ६ महिनाको तुलनामा करिब शतप्रतिशतले मुनाफा बढाएको हिमालयन रि इन्स्योरेन्सको सेयर मूल्य भने प्रति कित्ता २.८० रुपैयाँ घटेको छ ।
३ अर्ब ५८ करोडको सेयर ६९ लाख रुपैयाँको सेयर किनबेच हुँदा हिमालयन रि इन्स्योरेन्सको २३ करोडको कारोबार भएको छ ।
