भीम उपाध्यायलाई भ्रष्टाचारको मुद्दा लाग्दा एमाले नेताहरु खुसी !

काठमाडौं । नेपाल सरकारका पूर्व खानेपानी सचिव तथा मिडिया सेलिब्रेटी भीम उपाध्यायविरुद्ध भ्रष्टारको आरोपमा अख्तियार दुरुपयोग अनुसन्धान आयोगले विशेष अदालतमा मुद्दा दायर गरेको छ।

मेलम्ची खानेपानी परियोजनामा भ्रष्टाचार गरेको अभियोगमा उनीविरुद्ध विशेष अदालतमा भ्रष्टाचारको मुद्दा दायर गरिएको हो । अख्तियारले उपाध्यायविरुद्ध ४ करोड ११ लाख ३४ हजार २७९ रुपैयाँ बिगो माग दावी गरेको छ ।

भ्याटबाहेक ७ अर्ब ७२ करोड रुपैँयामा ठेक्का सम्झौता गर्दा सम्झौता विपरित कानुनले तोके भन्दा बढी पेस्की मोबिलाईजेशन गरेको आरोप उनीमाथि छ।

सचिव पदबाट अवकाश पाएपछि तत्कालीन केपी अ‍ोली नेतृत्वको सरकारविरुद्ध तारान्तार स्टाटस लेखेर भाइरल भएका उपाध्याय विरुद्ध भ्रष्टाचारको मुद्धा दायर भएपछि एमालेका युवानेताहरुले खुसी व्यक्त गरेका छन् । एमानेका युवा नेताहरु सूर्य थापा, महेश बस्नेत र विष्णु रिजालले सामाजिक सञ्जालमा स्टाटस लेख्दै उपाध्यायको असली चरित्र देखिएको बताएका छन् ।

‘भीम उपाध्याय नामक भ्रष्टाचारको एकजना सरदारले गरेको गाली बेइज्जती भोग्नेहरू आज उनको नाममा ४ करोड २० लाखको राष्ट्रिय लुटखसोट थाहा भएर बल्ल सक्कली चेहरा खुलेको तथ्यसँगै चारछक परेका हुनुपर्छ। भ्रष्ट लुटेराको भ्रष्टाचारविरोधी अभिनय बल्ल उदाङ्गो भयो’ एमाले नेता सूर्य थापाले लेखेका छन् ।

एमालेकै अर्का युवा नेता रिजालले पनि सामाजिक सञ्जालमा कसैलाई नराम्रो हुँदा खुच्चिङ गर्नु राम्रो नभएपछि उपाध्यायले अत्तिनै गरेको बताएका छन् । ‘पूर्वसचिव भीम उपाध्यायलाई भ्रष्टाचारको मुद्दा लाग्दा धेरै मानिसहरु खुसी भएको पाइन्छ । उनले गरेको भ्रामक सूचना (डिस्इन्फर्मेसन)को खेतीको शिकार अरु त अरु हाम्रो जिल्लाका इमानदार नेता सूर्यबहादुर शाही (हालै नेकपा एमाले दैलेखको अध्यक्ष निर्वाचित) समेत हुनुएको थियो‘ उनले भनेका छन् ।

चामुण्डा विन्द्रासैनी नगरपालिकाको मेयर लडेको बेला मतदाता भेटिरहेको एउटा तस्वीमा फोटोसपबाट हातमा हजार रुपियाँको नोट राखिदिएर पैसा बाँडेको भ्रामक तस्वीरसहित उनले कुप्रचार गरिदिएको रिजालको भनाइ छ । ‘किन यस्तो गर्नुभयो भनेर कुरा गर्दा न यिनले माफी मागे, न तस्वीर हटाए । ‘मैले त्यस्तै पाएँ, अनि हालेँ’ भन्ने गैरजिम्मेवार जवाफ दिए’उनले लेखेका छन् ‘सरकारको सचिव भइसकेर पनि नेपालमा ुडिस्इन्फर्मेसनुका अभियन्ता र कथित सुशासनका पक्षपाती भीम उपाध्यायको वास्ताविक अनुहार अख्तियारले उदांगो पारिदिएको छ’ ।

त्यस्तै एमालेका पोलिटब्यूरो सदस्य तथा पूर्वमन्त्री महेश बस्नेतले पनि उपाध्यायविरुद्ध भ्रष्टाचारको मुद्दा दायर भएपछि प्रतिक्रिया जनाउँदै कथित सदाचारको गफ लगाउने भीम उपाध्ययको धोति फुस्किएको टिप्पणी गरेका छन् । ‘पूर्ब सचिव तथा कथित अभियान्ता भीम उपाध्याय विरुद्ध मेलम्ची खानेपानीको आयोजनामा ४ करोड ११ लाख भ्रष्टाचार गरेको दाबि सहित अख्तियारले मुद्दा दर्ता गरेछ । कथित सदाचारको गफ लगाउने भीम उपाध्ययको धोति फुस्किएछ’ बस्नेताले भनेका छन् ।

उनी सामाजिक सञ्जालमा सुशासन र भ्रष्टाचारविरुद्ध स्टाटस लेखेर थाक्दैनन्। यति मात्र होइन, अन्य विषयमा पनि उनी अरूको उछितो काढ्न पछि पर्दैनन्।

• भ्रष्टाचारको मुद्दा लागेका पूर्वसचिव उपाध्यायविरुद्ध ४ करोड ११ लाखभन्दा धेरै बिगो मागदावी
• अध्यागमन विभागका प्रमुख रुद्रसिंह तामाङसहित १८ जनाविरुद्ध भ्रष्टाचारको मुद्दा दायर
• मिडिया सेलिब्रेटी पूर्वसचिव भीम उपाध्याय भ्रष्टाचारमा मुछिए, मुद्दा दर्ता