आगलागीबाट विभिन्न धनमाल जलेर नष्ट

काठमाडौं । पाँचथर, फाल्गुनन्द गाउँपालिका-१ नर्कटेस्थित सडकमा पार्किङ गरी राखेको को-२ प २१८४ नम्बरको मोटरसाइकलमा शनिबार दिउँसो आगलागी हुँदा मोटरसाइकल पूर्णरूपमा जलेर नष्ट भएको नेपाल प्रहरीले बताएको छ । नेपाल प्रहरीले बताए अनुसार उदयपुर, त्रियुगा नगरपालिका-१० बासँबारी बस्ने राज कुमार उदासको घर नजिकै रहेको परालको टालमा शनिबार दिउँसो आगलागी हुँदा पराल र नजिकै रहेको ब्रोईल कुखुरा फर्म आंशिक रूपमा जलेर करिब ६ लाख रूपैयाँ बराबरको धनमाल नष्ट भएको छ ।

भक्तपुर, मध्यपुर ठिमी नगरपालिका-६ भिमसेन चोकस्थित सडक छेउमा पार्किङ गरी राखेको बा.८३ प २५२८ नम्बरको मोटरसाइकलमा गएराति आगलागी हुँदा मोटरसाइकल पूर्णरूपमा जलेर नष्ट भएको नेपाल प्रहरीले जनाएको छ । प्रहरीले स्थानीय बासिन्दा र दमकलको सहयोगमा आगलागी नियनत्रणमा लिनुको साथै यस सम्बन्धमा आवश्यक अनुसन्धान गरिरहेको बताइएको छ ।