मोरङको पथरीमा आगलागी हुँदा एक करोड ७१ हजार रूपैयाँ बराबरको धनमाल नष्ट

काठमाडौं । मोरङ, पथरीशनिश्चरे नगरपालिका-१ बस्ने कर्ण कुमारी लिम्बुको कोशी चिउरा मिलमा गएराति आगलागी हुँदा मिलभित्र रहेका विभिन्न सरसामान जलेर करिब १ करोड ७१ हजार रूपैयाँ बराबरको धनमाल नष्ट भएको नेपाल प्रहरीले बताएको छ ।

मिलमा आगो सल्केको दुई घण्टापछि मात्र स्थानीयले थाहा पाएका थिए । स्थानीय, नेपाल प्रहरी र सशस्त्र प्रहरी बलको सहयोगमा आगो निभाइएको थियो । मिलमा कोही नबस्ने भएकाले मानवीय क्षति भने भएन ।आगो निभाउन पथरीशनिश्चरे, उर्लाबारी, कानेपोखरी र बेलबारी नगरपालिकाका दमकल प्रयोग गरिएको थियो