आगलागीमा जलेर ३ जना बालबालिकाको मृत्यु

भोजपुर । हतुवागढी गाउँपालिका-७ पिप्ले बस्ने केदार कार्कीको गोठमा शनिबार साँझ आगलागी हुँदा उक्त आगलागीमा जलेर ३ जना बालबालिकाको मृत्यु भएको नेपाल प्रहरीले बताएको छ । प्रहरीका अनुसार आगलागीमा जलेर केदार कार्कीको छोरा ५ वर्षीय प्रनिष कार्की, रमेश कार्कीको छोरी ७ वर्षीया दिपशिखा कार्की र उनकै छोरा ३ वर्षीय दिउनिस कार्कीको मृत्यु भएको छ । घरमा कोही नभएको अवस्थामा गोठमा आगलागी हुँदा उनीहरूको जलेर मृत्यु भएको प्रहरीले जनाएको छ । यस सम्बन्धमा प्रहरीले थप अनुसन्धान गरिरहेको बताइएको छ ।