छुट्टाछुट्टै स्थानमा चार जना मृत अवस्थामा फेला

काठमाडौं । मानेभञ्ज्याङ गाउँपालिका-२ कृषेपु बस्ने ५० वर्षीय खड्ग बहादुर कार्की आफ्नै घरमा सोमबार मृत अवस्थामा फेला परेको नेपाल प्रहरीले बताएको छ। प्रहरीका अनुसार मकालु गाउँपालिका-५ माङसिमा राई गाउँ बस्‍ने ६६ वर्षीय हरि प्रसाद राई सोही ठाउँस्थित सुसम्बा भिरमा सोमबार मृत अवस्थामा फेला परेका छन् । आइतबार बाख्रा चराउन गएका घर नफर्किए पश्चात खोजी गर्ने क्रममा उनको शव फेला परेको बताइएको छ ।

यसैगरी मेलुङ गाउँपालिका-७ सितली ज्यामिरेस्थित पाखामा हाल नाम, थर, वतन नखुलेका पुरूष सोमबार मृत अवस्थामा फेला परेको नेपाल प्रहरीले बताएको छ । प्रहरीका अनुसार भिमेश्वर नगरपालिका-२ तामाकोशी नदीमा हाल नाम, थर, वतन नखुलेकी अन्दाजी ३१ वर्षीया महिला सोमबार मृत अवस्थामा फेला परेकी छिन् । यस सम्बन्धमा प्रहरीले आवश्यक अनुसन्धान गरिरहेको बताइएको छ ।