मुगुमा जिप दुर्घटना हुँदा दुई जनाको मृत्यु

जानकारी केन्द्र

मुगु । सोरु गाउँपालिका-८ कचियास्थित क.प्र.०२९००१ ज.००५९ नम्बरको जिप सडकबाट करिब १ सय मिटर तल खसेर बुधबार दिउँसो दुर्घटना हुँदा चालक सोही गाउँपालिका-७ बस्ने २२ वर्षीय कबिराज नेपाली र जिपमा सवार सोही गाउँपालिका-२ जरेपानी बस्ने २६ वर्षीया कुशुम नेपालीको घटनास्थलमै मृत्यु भएको नेपाल प्रहरीले बताएको छ । प्रहरीका अनुसार दुर्घटनामा घाइते भएका जिपमा सवार ४ जनामध्ये ३ जनाको जिल्ला अस्पताल गमगढी र १ जनाको थप उपचारको लागि कर्णाली स्वास्थ्य बिज्ञान प्रतिष्ठान जुम्ला पठाइएको छ । दुर्घटनाका सम्बन्धमा प्रहरीले आवश्यक अनुसन्धान गरिरहेको बताइएको छ ।