हाडनाता करणीपछि बालिकाको हत्या, पेटमा थियो १८ हप्ताको गर्भ

कैलाली । बैतडीमा एक बालिका हराएको दुई दिनपछि मृत फेला परेको घटनामा प्रहरीले अनुसन्धान गर्दा हाडनाता करणीपछि हत्या भएको खुलेको छ । पुर्चौडी नगरपालिका ४ रातोमाटीमा बालिकाको पेटमा गर्भ रहेपछि हत्या भएको हो ।

जिल्ला प्रहरी कार्यालय बैतडीका प्रमुख प्रहरी नायब उपरीक्षक (डीएसपी) दिपक गिरीले गत चैत २६ गते दिउँसो घटना भएको भएपनी २८ गते मात्रै बालिकाको शव फेला परेको प्रहरी अनुसन्धानबाट खुलेको बताए ।

बालिकाको काका नाता पर्नेले पटकपटक यौन सम्पर्क राख्ने गरेको र पेटमा १८ हप्ताको गर्भ रहेपछि बालिकाको हत्या गरेको स्वीकार गरेको डीएसपी गिरिले बताए ।

डडेल्धुरा अस्पतालमा गरिएको पोष्टमार्टम रिपोर्टमा बालिकाको टाउकोमा चोट लागेको र उनको पेटमा १८ हप्ताको बच्चा रहेको खुकेको डीएसपी गिरिले बताए ।

गत वर्ष मात्रै भागी विवाह गरेकी १७ वर्षिया बालिका हराएपछि खोजतलास थालिएको थियो । खोजीका क्रममा उनको शव फेला परेको थियो ।