धनुषामा मोटरसाइकल दुर्घटना : पत्रकार यादवको निधन, अर्का एक व्यक्ति घाइते

धनुषा । मोटरसाइकल दुर्घटनामा सोमबार राति पत्रकार विनय कुमार यादवको निधन भएको छ । पूर्व पश्चिम राजमार्गमा ढल्केवरबाट धारापानीतर्फ जाने क्रममा पत्रकार यादव आफैँले चलाएको मोटरसाइकल दुर्घटनामा परेको परेको थियो । घटनास्थलमै उनको मृत्यु भएको हो।

नम्बर खुल्न नसकेको मोटरसाइकलमा पछाडि सबार एक व्यक्ति घाइते भएका छन् । उनको उपचार जनकपुरधामस्थित प्रादेशिक अस्पतालमा भइरहेको छ । धनुषाको धनुषाधाम घर भएका पत्रकार यादव न्यूज ब्यूरो डटकमका कार्यकारी सम्पादक थिए ।