घरायसी विवाद हुँदा श्रीमानको कुटाइबाट श्रीमतीको निधन

बैतडी । बैतडीमा श्रीमानको कुटाइबाट श्रीमतीको मृत्यु भएको छ । पाटन नगरपालिका ४ चिल्लेपानीका ६५ वर्षीय प्रताप सिंह ऐरीको कुटाइबाट उनकी श्रीमती ६० वर्षीया सुना ऐरीको मृत्यु भएको हो ।

मंगलबार घरायसी विवाद भएको र सोही क्रममा श्रीमानको कुटाइबाट गम्भीर घाइते भएकी सुनाको बुधबार उपचारको क्रममा डडेल्धुरा अस्पतालमा मृत्यु भएको हो ।

उपचारकै क्रममा उनको डडेल्धुरा अस्पतालमा बुधबार मृत्यु भएको प्रहरी निरीक्षक खेमविक्रम केसीले जानकारी दिए । सुनाको खुट्टा, ढाड र टाउकोमा गम्भीर चोट लागेको थियो । प्रहरीले श्रीमान ऐरीलाई नियन्त्रणमा लिएको छ ।