मौसम गौतम / काठमाडौँ । एमएडब्लु ईन्टरप्राइजेजले नेपाली बजारमा यमाहा एम टि–१५ बाईक भित्राउने तयारी गरेको छ । प्राप्त जानकारी अनुसार यस बाईक सम्भवतः अगामी नाडा अटो सो २०२४ मा लन्च हुन गइरहेको छ ।
यस यमाहा एम टि–१५ भर्जन २.० बाईक सम्बन्धि कुरा गर्नुपर्दा बाइकमा सिङगल सिलिन्डर,४ स्ट्रोक,४ भल्भ र सिङगल ओभरहेड क्याम्साफ्टको इन्जिन पाउन सकिनेछ । बाइकको म्याक्स पावर १८.५ सिसिको साथै १०००० आर.पि.एम र म्याक्स टर्क भने १४.१ एनएम को साथ ७५०० आरपिएम रहेको छ । ६ स्पिडको गियर बक्स रहेको यस बाइकमा टप स्पिड प्रति घण्टा १३० किलोमिटर पाउन सकिने छ । बाइकमा तेल भण्डारण क्षमता १० लिटर रहने छ । प्रति लिटर ४५ किलोमिटर सम्म माईलेज दिने कम्पनिको दाबि रहेको छ ।
यस बार्ईकको अगाडिको टायर १००/८०–१७ र पछाडि १००/७०–आर १७ को दुवै टायरमा डिस्क टायर उपलब्ध रहनेछ । बाईकको बे्रकिङ सिस्टम र सस्पेन्सन सेटअपको कुरा गर्दा डुअल–च्यानल एबिएसको बे्रकिङ सिस्टम र बाइकमा यु एस डि फ्रन्ट फ्रक्स र रेयर मोनोसकको सस्पेन्सन सेटअप जडान गरिएको छ ।
८१० एमएमको सिट हाईट रहेको यस यमाहा एम टि–१५ भर्जन २.० बाईकमा १७७ एमएमको ग्राउन्ड क्लियरेन्स रहने कम्पनिले बताएको छ । १४१ केजि जम्मा तौल रहेको यस बाईकको मुल्य भने हाल सम्म कम्पनिले तोकेको छैन ।
