काठमाडौं । विश्वभर प्रशिद्ध मोटरसाइकल निर्माता सिएफ मोटो, अत्यन्त प्रतिक्षित ४५० एम.टि लाई नेपालमा लन्च गर्न पाउँदा निक्कै नै उत्साहित छ । ऋषि ट्रेड सेन्टर द्वारा वितरण गरिने ४५० एम.टिले नेपालभरका मोटरसाइकल प्रेमीहरूको एडभेन्चर टुरिङ अनुभवलाई नै नयाँ परिभाषा दिनेछ । यसका अत्याधुनिक डिजाइन, शक्तिशाली पर्रफर्मेन्स र उत्कृष्ट सुविधा ले यो मोटरसाइकललाई रोड तथा अफ रोडमा रोमाञ्चक यात्रा खोज्नेहरूको लागि एक योग्य साथी बनाउँछ ।
अत्याधुनिक पावर र पर्फर्मेन्स
४४९.५ सिसिको बलियो, लिक्विड कुल्ड, प्यारलल–ट्विन अथवा डुअल सिलिन्डर इन्जिन यो मोटरसाइकलको मुटु रहेको छ, जसले ४४ हर्सपावर ९५०० आर.पि.एम मा र ४४ एन.एम को टर्क ७६०० आमरपिएम मा दिन्छ । शहरमा क्रुज गर्दा होस् या कुनै उबड–खाबड भूभाग, ४५० एम.टिले स्मुथ र पावरफुल राइड दिनेछ, र यो दुई विकल्प लो फेन्डर र हाई फेन्डरमा उपलब्ध छ ।
स्लिम र आक्रामक डिजाइन
४५० एम.टि मा आकर्षक डिजाइन र कार्यक्षमताको उत्कृष्ट संयोजन रहेको छ । यसको तिक्षण, एरोडायनामिक रेखाहरू, आक्रामक फ्रन्ट डिजाइन र मस्कुलर पर्सनालिटीले जहाँसुकै यसको उपस्थिति लाई स्ट्यान्ड बनाउँछ । पूर्ण रूपमा एल.ई.डि लाइटले सुसज्जित, ४५० एम.टि ले रातको समयमा भिजिबिलिटी उत्कृष्ट बनाउने मात्र नभएर, डिजाइनलाई आधुनिक लुक पनि दिन्छ । यो बाइक सेग्मेन्टकै सबैभन्दा हल्का एड्भेन्चर टुरिङ बाइक हो जसको तौल जम्मा ज्ञठछ केजी रहेको छ साथै बाइक बि.ओ.एस.सि.एच र टि.सि.एस ले पनि सुसज्जित छ ।
अत्याधुनिक प्रविधि र सुविधाहरू
सिएफ मोटाले ४५० एम.टि लाई सुरक्षा र सुविधाका उत्कृष्ट सुविधाहरूले सुसज्जित गरेको छ । बाइकमा पूर्ण रूपमा डिजिटल टि.एफ.टि ६ इन्चको डिस्प्ले रहेको छ जसमा बाइकको सबै जानकारी जस्तै स्पीड, फ्युल लेभल, ट्रिप इन्फो डिस्प्लेमा हुनेछन् । डिस्प्लेको दृश्यहरू राइडरले आफ्नो चाहना अनुसार बदल्न सक्नेछन्, ताकि विभिन्न ड्राइभिङ मोड अनुसार परिवर्तन गर्न सकियोस् ।
सुरक्षा प्रमुख प्राथमिकता हो र ४५० एम.टि यही सोचबाट बनेको छ । बाइकमा डुअल च्यानल ए.वि.एस रहेको छ जसले हरेक अवस्थामा स्थिर ब्रेकिङ सुनिश्चित गर्छ, साथै यो स्विच अन र अफ पनि गर्न मिल्छ । शहरको ट्राफिक होस् वा अफरोडको गतिमा, ए.वि.एस ले राइडिङलाई अझ बढी आत्मविश्वास र नियन्त्रण सुनिश्चित गर्छ । अरू उत्कृष्ट सुविधाहरू मध्ये यसमा बि.ओ.एस.सि.एच ट्र्याक्सन कन्ट्रोल सिस्टम, फोल्डेबल रियर–भ्यू मिरर्स, एडजस्ट गर्न मिल्ने विन्डशील्ड र के वाए.ई.बि सस्पेन्सन रहेको छ।
आरामदायी र भर्सटाइल टुरिङ
एडभेन्चर सोचमा राखी डिजाइन गरिएको ४५० एम.टि ले अद्भुत आरामदायिता प्रदान गर्छ । बाइकमा एर्गोनोमिकली डिजाइन गरिएको सिट छ जसले राम्रो सपोर्टको साथ लामो यात्रा पनि सजिलै कटाउन मद्दत गर्छ । बाइकको विन्डस्क्रिनले हावाको प्रतिरोध घटाएर लामो यात्रामा थकान निकै नै कम गर्छ। १७.६ लिटरको ठूलो फ्युल ट्याङ्कले रिफ्युलिङ बिना नै लामो दूरी यात्रा गर्न सम्भव बनाउँछ । बाइकको २२० एम.एम ग्राउन्ड क्लियरेन्सका साथै फ्रन्ट टायरको टेलिस्कोपिक फोर्क र पछाडिको टायरको मोनोशकले जस्तोसुकै भूभागमा पनि आरामदायी यात्रा सुनिश्चित गर्छ ।
सिएफ मोटाको बारेमा
एक अग्रणी हाई परफरमेन्स मोटरसाइकल, अल टेरेन भेहिकल्स (ए.टि.भि), र साइड–बाइ–साइड युटिलिटी भेहिकल्स उत्पादक हो। नवीनता र गुणस्तरमा प्रतिबद्ध, सिएफ मोटोेले आफूलाई विश्वव्यापी मोटरसाइकल बजारमा भरपर्दो ब्रान्डको रूपमा उभाएको छ। कम्पनीका उत्पादनहरू असाधारण प्रदर्शन, विश्वसनीयता, र राम्रो मूल्य प्रदान गर्न बनाइएका हुन्छन् । ऋषि ट्रेड सेन्टरले आधिकारिक रुपमा सिएफ मोटो बाट २७ अगस्ट २०२४ / ११ भाद्र २०८१ मा, नाडा अटोको समयमा यो ब्रेथटेकिङ मोडेल सुरु गरेको छ ।
