यू–१९ एसिया कप : आज श्रीलंकासँग प्रतिस्पर्धा गर्दै नेपाल

काठमाडौं । एसिसी यु–१९ एसिया कप क्रिकेट प्रतियोगिताको पहिलो खेलमा आज नेपालले श्रीलंकासँग प्रतिस्पर्धा गदैछ । संयुक्त अरब इमिरेट्समा हुने प्रतियोगिताको पहिलो खेल नेपाली समय अनुसार अहिले बिहान १०:४५ बजेदेखि शारजहास्थित शारजहा क्रिकेट रंगशालामा सुरु हुनेछ ।

आठ देश सहभागी एसिया कपमा नेपाल समूह ‘बी’ मा छ । नेपालको समूहमा अफगानिस्तान, बङ्गलादेश र श्रीलङ्का छन्। समूह ‘ए’ मा आयोजक युएई, भारत, पाकिस्तान र जापान रहेका छन् ।

नेपालले दोस्रो खेल मंसिर १६ गते आइतबार बंगलादेशसँग खेल्ने छ भने समूह चरणको अन्तिम खेलमा नेपालले मंसिर १८ गते मंगलबार अफगानिस्तानसँग खेल्ने छ। सेमिफाइनल मङ्सिर २१ र फाइनल खेल २३ गते हुँदैछ।