टोकियो। संसारमा एउटा यस्तो देश छ, जहाँ करिब ३० वर्ष पहिले एउटा अनौठो व्यापार सुरु भएको थियो, अहिले यो देशमा चाँडै ठूलो व्यापार हुन पुगेको छ ।
केवल पैसा खर्च गर्नुहोस् र तपाइँले आमाबुवा, दाजुभाइ, दिदीबहिनी, काकी र काका, छोरा, छोरी, श्रीमान् र श्रीमतीसम्म सबै चीज भाडामा पाउनु हुनेछ। तीनीहरूलाई तपाईंको खल्ती अनुसार तपाईंसँग राख्न सक्नु हुन्छ र नयाँ परिवारको आनन्द लिन सक्नु हुन्छ । त्यसैले हामी तपाईंलाई यो अनौठो र फस्टाउँदै गरेको व्यवसायको बारेमा बताउनेछौं। साथै, कुन देशमा यो व्यवसाय निकै लोकप्रिय बन्दै गएको छ । कहिले र कसरी सुरु भयो ?
यो देश जापान हो। संसारको एक मात्र देश, जहाँ पुरै परिवार भाडामा लिन पाइन्छ। आफ्नो परिवारमा चाहने सबै आफन्तहरू यहाँ भेटिन्छन्। जापानमा भाडाको पारिवारिक व्यवसाय १९९० को दशकमा टोकियोको ‘फेमिली रोमान्स’ कम्पनीले सुरुमा परिवारका सदस्यहरूको रूपमा अभिनेताहरूलाई काम गर्न थालेको थियो । यो कम्पनी इशी युइचीद्वारा सुरु गरिएको थियो। खासमा यो सेवा एक्लोपनबाट पीडित व्यक्तिहरूलाई मद्दत गर्न सुरु गरिएको हो, जो अहिले लोकप्रिय भएको छ ।
४३ वर्षीय इशि युइची २५ भन्दा बढी परिवारका पिता र ६०० भन्दा बढी महिलाका पति भइसकेका छन, तर तिनीहरूमध्ये कोही पनि उनको वास्तविक परिवारको सदस्य भने होइनन्। उनले आफ्नो कम्पनी ‘फेमली रोमान्स’ मा १२ सय कलाकार (कामदार) हरू काम गर्छन्। उनीसँग हरेक किसिमको भूमिका निर्वाह गर्नेहरू रहेका छन् । विवाहमा उभिने बुबादेखि, हराएको बुबा, लामो समयदेखि हराएको छोरासम्म खोजिदिने र स्वयं पनि भाडाको दुलहीको भूमिकासमेत निभाएकी छिन् ।
सुरुमा भाडामा लिने पारिवारिक सेवाहरू प्रायः एक्लै बस्ने वा परिवारका सदस्यहरू नभएका मानिसहरूले प्रयोग गर्थे। बिस्तारै यो सेवाको लोकप्रियता बढ्दै गयो। अहिले यसलाई विभिन्न उद्देश्यका लागि प्रयोग गरिन्छ।
उदाहरणका लागि, विवाहमा भाग लिन, अन्त्येष्टिमा भाग लिन, नाटक वा चलचित्रमा हेर्न जान, एक्लोपनबाट छुटकारा पाउन र सामाजिक कार्यक्रममा भाग लिनका लागि उनीहरूले भाडाका परिवार लैजाने गर्दछन् ।
जापानमा भाडा परिवारको दर भने फरक फरक हुन्छ। तपाईंले कति सदस्यहरू भाडामा लिइरहनुभएको छ र तपाईंले तिनीहरूलाई कति समयको लागि भाडामा लिइरहनुभएको छ भन्ने कुरामा निर्भर गर्दछ। सामान्यतया एक घण्टाको लागि एक सदस्यलाई भाडामा लिने दर ५ हजार येन देखि २० हजार येन सम्म हुन्छ।
अहिले जापानमा धेरै कम्पनीहरू छन्, जसले परिवारलाई भाडामा दिन्छन्। आफ्नो आवश्यकता अनुसार परिवारका सदस्य छनोट गर्न सक्नुहुन्छ। यसका लागि तपाईलाई एउटा क्याटलग दिइएको छ, जसमा परिवारका सदस्यहरूको बारेमा जानकारी दिइएको छ। तपाईं आफ्नो इच्छा अनुसार सदस्य चयन गर्न सक्नुहुन्छ।
जापानमा भाडामा बस्ने परिवारको चलन बढ्दै गएको छ किनभने यहाँ एक्लै बस्नेको संख्या धेरै छ । कामका कारण धेरै मानिसहरु आफ्नो परिवारबाट टाढा बस्छन् । यस्तो अवस्थामा उनीहरुले केही समयका लागि भाडामा परिवार लिएर आफ्नो परिवारको नियास्रो मेटने गर्दछन् ।
जापानमा भाडामा परिवारहरू प्रयोग गर्ने मानिसहरूको संख्या अनुमान गर्न गाह्रो छ तर केही विज्ञहरू यो संख्या लाखौंमा हुन सक्ने विश्वास गर्छन्। भाडामा परिवार सेवा प्रदान गर्ने कम्पनीको संख्या पनि निरन्तर बढ्दै गएको छ, जुन यसको सङ्केत हो । जसले जापानमा यो सेवाको माग निकै उच्च रहेको सङ्केत पनि गर्छ । जापानको नक्कल गरेर अहिले दक्षिण कोरिया र चीनमा पनि यो व्यवसाय सुरु भएको छ ।
