मेष ( चु, चे, चो, ला, लि, लु, ले, लो, अ )
साताको प्रारम्भमा धैर्य वा पराक्रमी स्वभाव वृद्धि हुनुको साथै नयाँ कार्य कार्यन्वयन गर्नका लागि उचित समय रहेको छ । कार्य क्षेत्रमा आफूभन्दा ठूलाको सहयोग मिल्ला । साताको मध्यमा सन्तानको प्रगतिले मन हर्षित रहनेछ । विद्यार्थीहरूलाई भने शिक्षामा सफलता मिल्नुका साथै गुमाएको कार्य र नोकरी वा पेशामा गुमाएको स्थान स्थापित गर्नको लागि सङ्घर्ष गर्नुपर्ने योग रहेको छ । शत्रुहरू हावी हुनेछन्, सावधान रहनुहोस्।

वृष ( इ, उ, ए, ओ, वा, वि, वु, वे, वो )
साताको प्रारम्भमा आफन्तहरूबाट सोचे अनुरुप सहयोग नमिल्नुका साथै व्यापार व्यवसायबाट पनि मनग्य लाभ नमिल्ने योग रहेको छ । साताको मध्यमा भने कार्य क्षेत्रमा आटेको कार्य समयमा सम्पादन गर्न सक्नुहुनेछ । कला वा साहित्यको क्षेत्रमा विशेष सफलता मिल्नेछ । साताको अन्तिममा माताको स्वास्थ्यलाई लिएर चिन्ता रहनेछ । युवा वर्गहरुले आफ्नो करियरलाई लिएर कठोर निर्णय लिने समय रहेको छ । आफन्तहरूबाट टाढा हुने योग छ ।

मिथुन ( का, कि, कु, घ, ङ, छ, के, को, हा )
साताको प्रारम्भमा मान सम्मानमा वृद्धि हुनेछ । आफन्तहरूबाट उपहार पाइएला । धर्म कर्ममा संलग्न भइएला । साताको मध्यमा सोचे अनुरुपको धनमा लाभ हुनेछ । प्रतिष्ठित कार्यले आफूलाई समाजमा चिनाउन सक्नुहुनेछ । साताको अन्तिममा भौतिक सुख सुविधा जुटाउनको लागि धन खर्च गर्नुपर्ने योग रहेको छ । नोकरी वा पेशामा पहिला लिएका निर्णयहरूको प्रशंसा हुनेछ ।

कर्कट ( हि, हु, हे, हो, डा, डि, डु, डे, डो )
साताको प्रारम्भमा वैदेशिक रोजगारबाट विशेष लाभ प्राप्त हुनेछ । सवारी साधनमा धन खर्चका योग छन् । साताको मध्यमा नोकरी वा पेशामा योग्यताको उचित मूल्यांकन हुनेछ । कार्य क्षेत्रमा नयाँ कार्यको प्रस्ताव मिल्नेछ । साताको अन्तिममा व्यापार व्यवसायमा बोलीले अरुलाई प्रभावित पार्न सक्नुहुनेछ । गृहणीहरूको गृहकार्यमा समय बित्नेछ ।

सिंह ( मा, मि, मु, मे, मो, टा, टि, टु, टे )
साताको प्रारम्भमा आफुलाइ ऊर्जावान महसुस गर्नु हुनेछ । नयाँ कार्यमा मन लाग्नेछ । रमाइलो जमघटको बीच स्वादिष्ट भोजन गर्ने अवसर रहेको छ । साताको मध्यमा विगतका कमी कमजोरीलाई सुधार्ने अवसर मिल्नेछ । बिछोडिएका परिवारजनहरूसँग भेटघाट हुने योग देखिन्छ । साताको अन्त्यमा कार्य क्षेत्रमा आफूमाथि विश्वास राखी निर्णय लिनुहोला सफलता मिल्नेछ । विद्यार्थीहरूको पठन पाठनमा मन लाग्नुका साथै रुचिको कार्यमा पनि मन जानेछ ।

कन्या ( टो, पा, पि, पु, ष, ण, ठ, पे, पो )
साताको प्रारम्भमा धन लाभ हुने योग रहेको छ । व्यापार व्यवसायमा नयाँ अवसरहरू आउनेछन् । विशिष्ट व्यक्तिहरूसँग निकटता बढ्नेछ । साताको मध्यमा कार्य क्षेत्रमा श्रम अनुरूपको सफलता मिल्नेछ । नोकरी वा पेशामा नयाँ जिम्मेवारी मिल्नेछ । मन ऊर्जावान रहनेछ । साताको अन्तिममा माताको स्वास्थ्यलाई लिएर चिन्ता रहनेछ । आर्थिक पक्ष सामान्य रहनेछ । अध्ययनमा प्रगति हुनेछ । कार्य क्षेत्रलाई लिएर गरिएको यात्रा सफल रहनेछ ।

तुला ( रा, रि, रु, रे, रो, ता, ति, तु, ते )
साताको प्रारम्भमा सकारात्मक विचारले मन प्रसन्न रहनेछ । धर्म कर्ममा मन लाग्नेछ । निभाउन नसक्ने वाचा नगरौँ । साताको मध्यमा पेट सम्बन्धी समस्या देखा पर्न सक्ला । खानपानमा विशेष ध्यान दिनुपर्ने देखिन्छ । सवारी साधनमा धन खर्च हुनेछ । विद्यार्थीहरूको तर्कशक्तिमा वृद्धि हुनेछ । साताको अन्तिममा नोकरी वा पेशामा सहकर्मीहरूको साथ मिल्नेछ । मिडिया र चलचित्रको क्षेत्रबाट लाभ पाइनेछ । प्रतिस्पर्धी छात्रहरूलाई प्रतिस्पर्धामा सफलता मिल्नेछ । कार्य क्षेत्रमा नयाँ अवसरको लागि संघर्ष गर्नुपर्ला ।

वृश्चिक ( तो, ना, नि, नु, ने, नो, या, यि, यु )
सप्ताहको प्रारम्भमा आर्थिक संकटहरूको सामना गर्नुपर्ने हुन सक्छ । घर परिवारमा कलहको वातावरण सिर्जना हुने योग देखिन्छ । व्यापार र नोकरी वा पेशामा अल्छीपनाबाट सकभर टाढै बस्नु उचित हुनेछ । साताको मध्यमा जीवनसाथीको कार्य क्षेत्रमा पदोन्नतिको योग रहेको छ । धर्म कर्ममा मन लाग्नेछ । साताको अन्तिममा नोकरी वा पेशामा उच्च अधिकारीहरूको सहयोग मिल्नाले कार्यहरू समयमा नै सम्पादन हुनेछन् ।

धनु ( ये, यो, भा, भि, भु, धा, फा, ढा, भे )
साताको प्रारम्भमा समाजमा मान सम्मानमा वृद्धि हुनेछ । स्वास्थ्यमा सुधार आउनेछ । साताको मध्यमा संगीत र कला क्षेत्रबाट प्रसिद्धि मिल्नेछ । नयाँ पहिरन र स्वादिष्ट भोजनको आनन्द मिल्नेछ । साताको अन्तिममा व्यापार विस्तारको लागि नयाँ रुपरेखा बन्नेछ । गृहणीहरूको धर्मकर्ममा रुचि बढ्नेछ ।

मकर ( भो,जा,जि,जु,जे,जो,ख,खि,खु,खे,खो,गा,गि )
साताको प्रारम्भिक समय अनुकूल रहेको छ । शिक्षाको क्षेत्रमा सोचे अनुरूप सफलता मिल्नेछ । साताको मध्यमा जग्गा जमिनमा गरिएको निवेशबाट आफ्नो भविष्य सुरक्षित गर्न सक्नुहुनेछ । कार्य क्षेत्रमा उन्नतिको अवसर मिल्नेछ । साताको अन्तिममा साझेदारी व्यापारमा हुनुहुन्छ भने सचेत भएर काम गर्नुहोला । घरको वातावरण सुखमय रहनेछ । जीवन साथीको स्वास्थ्यको विषयमा ध्यान दिनुपर्ने देखिन्छ ।

कुम्भ ( गु, गे, गो, सा, सि, सु, से, सो, दा )
साताको प्रारम्भ उत्तम रहनेछ । सञ्चित धनमा वृद्धीको साथै नयाँ कार्य हात लागिपर्ला । कार्य क्षेत्रमा शत्रुहरू परास्त हुनेछन् । साताको मध्यमा व्यापार व्यवसायबाट लाभ रहनेछ । विद्यार्थीहरूलाई अध्ययनमा शिक्षकको सहयोग प्राप्त हुनेछ । साताको अन्तिममा अनावश्यक धन खर्चका योग बनिरहेका छन् । आर्थिक कारोबारमा अनुभवीजनहरूको सल्लाह लिएर नयाँ निर्णय लिनुपर्ने हुन्छ ।

मीन ( दि, दु, थ, झ, ञ, दे, दो, चा, चि )
साताको प्रारम्भमा आफन्तजनहरूबाट सहयोग मिल्नेछ । नयाँ कार्यको सुरुवात गर्नुभन्दा अघि घर परिवारमा सल्लाह अवश्य लिनुहोस् । साताको मध्यमा विद्यार्थीहरूको पठन पाठनमा मन लाग्नेछ । राजनीतिक क्षेत्रमा प्रभाव बढ्नेछ । व्यापार व्यवसायमा पहिला गरिएको कार्यको चर्चा हुनेछ । साताको अन्तिममा कार्य क्षेत्रमा मेहनतले गर्दा लक्ष्य प्राप्ति गर्नमा सफलता पाइनेछ । अरुको लागि बुद्धि र श्रम खर्च गर्नुपर्ला ।

– ज्याे. पं. धर्मेन्द्र कृष्ण पौडेल