२०८२ साल वैशाख महिनामा कस्तो रहला त तपाईको भाग्य, हेर्नुहोस् राशिफल

मेष ( चु, चे, चो, ला, लि, लु, ले, लो, अ )
मेष राशि हुनेहरूको लागि यो महिना उत्तम रहनेछ । लग्नस्त सूर्यले कार्यक्षेत्रमा मान प्रतिष्ठा बढाउनेछन् । समाजमा नयाँ जिम्मेवारी प्राप्त हुनेछ । कार्य क्षेत्रमा पदोन्नतिका योग छन् । समाजमा गुमेको स्थान प्राप्त हुनेछ । दाम्पत्य जीवनमा पुरानो कुरालाई लिएर जीवन साथीसँग मनमुटाव हुने सम्भावना देखिएको छ । स्वास्थ्य सबल रहनेछ । सानो प्रयासले जीवनशैलीमा सकारात्मक परिवर्तन आउनेछ । युवा वर्गहरूलाई उच्च शिक्षामा सफलता मिल्नेछ । व्यापार व्यवसायमा नयाँ कार्य थालनीमा उपयुक्त समयको प्रतिक्षा गर्नुहोला । परीक्षार्थीहरूलाई अनुकूल समय रहेको छ । सरकारी नोकरी वा पेशामा प्रभाव बढ्नेछ । यो महिना सञ्चित धन जोगाउन नसकिएला खर्चमा वृद्धि रहनेछ ।

वृष ( इ, उ, ए, ओ, वा, वि, वु, वे, वो )
वृष राशि हुनेहरूको लागि महिना सामान्य रहेको छ । कार्य क्षेत्रमा अरुको विवादास्पद जिम्मेवारी बहन गर्नुपर्ला । वैदेशिक रोजगारको मामलामा सफलता मिल्नेछ । धैर्य र पराक्रमले अप्ठ्यारा परिस्थितिहरूलाई पनि सजिलो बनाउन सकिनेछ । व्यापार व्यवसायमा थप लगानी लगाउनको लागि उपयुक्त समयको प्रतीक्षा गरौं । प्रत्येक क्षेत्रमा कुनै न कुनै परिस्थितिको सामना गर्नुपर्ने हुन्छ । आयआर्जनको दृष्टिले यो समय हजुरको लागि सबल रहेको छ । धन कमाए तापनि संग्रह गर्न गाह्रो होला । आफ्नो खानपानलाई सही राख्ने र नशा आदिबाट टाढा रहनुहोस् । विद्यार्थीहरूले पठनपाठनमा आलस्यलाई हावी हुन नदिनुहोला ।

मिथुन ( का, कि, कु, घ, ङ, छ, के, को, हा )
मिथुन राशि हुनेहरूको लागि यो महिना उत्तम रहनेछ । धैर्य र पराक्रम मा वृद्धि हुनेछ । साहसिक निर्णयहरू लिने समय रहेको छ । आफ्नो व्यवहार कुशलताले अरुलाई प्रभावित पार्न सक्नुहुनेछ । शत्रुहरू पराजित हुनेछन् । प्रतिस्पर्धात्मक कार्यमा सफलता प्राप्त हुनेछ । घर परिवारमा भाइबहिनीहरूबाट सहयोग मिल्नेछ । कार्य क्षेत्रमा अरुको मुख ताक्ने बानीले कार्य बिग्रिन सक्छ । आम्दानीका नयाँ स्रोतहरू खुल्ने वा आर्थिक पक्ष बलियो बन्नेछ । स्वास्थ्यको दृष्टिकोणले यो समय अनुकूल छ । विद्यार्थीहरूलाई अध्ययन अध्यापनमा सफलता मिल्नेछ । भाग्यलाई ताक्नुभन्दा कर्मलाई प्राथमिकता दिनुहोस् ।

कर्कट ( हि, हु, हे, हो, डा, डि, डु, डे, डो )
कर्कट राशि हुनेहरूको लागि यो महिना सामान्य रहनेछ । कार्य क्षेत्रमा अप्ठ्यारा परिस्थितिहरू को सामना गर्नुपर्ने हुन्छ । कार्य क्षेत्रमा विरोधीहरू सक्रिय रहनेछन् । धार्मिक तीर्थयात्रा आदिको सौभाग्य मिल्नेछ । व्यापार व्यवसायमा श्रम अनुसार सफलता मिल्न अलि गाह्रो देखिएको छ । नोकरी वा पेशामा उच्च अधिकारीहरूबाट सोचेजस्तो सहयोग नमिल्ला । इष्टमित्रहरूको सहयोग मिल्नेछ । राजनीतिक क्षेत्रमा जनबल बढ्नेछ । स्वास्थ्यलाई लिएर खानपानमा सजग रहनुहोस । पारिवारिक चिन्ताले मन अप्रसन्न रहनेछ । दाम्पत्य जीवनमा जीवनसाथीबाट उपहार पाइएला ।

सिंह ( मा, मि, मु, मे, मो, टा, टि, टु, टे )
सिंह राशि हुनेहरूको लागि यो महिना सबल रहेको छ । युवाहरूको लागि करियरलाई अगाडि बढाउन नयाँ बाटाहरू खुल्नेछन् । कार्य क्षेत्रमा कुनै पनि कार्य अरूको विश्वासमा नछोड्नुहोला । प्रेम सम्बन्धलाई विवाहमा टुङ्ग्याउन सक्नुहुनेछ। सरूआ हुने बलियो समय देखिएको छ । अध्ययनमा प्रगति हुनेछ । विद्यार्थीहरूको तर्क शक्तिमा वृद्धि हुनेछ । स्वास्थ्यमा मौसमी बिमारीहरूबाट जोगिनुहोस् । प्रेम सम्बन्ध सुमधुर रहनेछ । कार्य क्षेत्रमा रोकिएका कार्यहरू बन्नेछन् । जोखिमपूर्ण कार्य सम्पादन हुनेछन् । कार्य क्षेत्रमा सहकर्मीहरूको सहयोग मिल्नेछ ।

कन्या ( टो, पा, पि, पु, ष, ण, ठ, पे, पो )
कन्या राशि हुनेहरूको लागि यो महिना मध्यम रहनेछ । अप्ठ्यारो परिस्थितिमा आफन्त वा शुभचिन्तकहरूबाट सहयोग मिल्नेछ । प्रतियोगी परीक्षामा सफलता मिल्नेछ । व्यापार व्यवसायमा नयाँ प्रतिद्वन्दीहरू बढ्नेछन । कार्य क्षेत्रमा प्रतिष्ठा बचाउनको लागि संघर्ष गर्नुपर्ला । व्यापार व्यवसायमा हतारमा लिएका निर्णयहरूले हानि नोक्सानीका योग छन्, सावधान भएर लिनुहोला । उद्योग व्यापारमा नयाँ कीर्तिमान स्थापित गर्न सकिनेछ । विद्यार्थीहरूलाई पढाइमा मन नलाग्ला । कुनै अप्रिय समाचारले मन खिन्न रहनेछ ।

तुला ( रा, रि, रु, रे, रो, ता, ति, तु, ते )
तुला राशि हुनेहरूको लागि यो महिना श्रेष्ठ रहेको छ । कानुनी मुद्दा मामलाहरूमा विजयी भइनेछ । व्यापार व्यवसायमा लाभ रहनेछ । जीवन साथीसँगको वैचारिक मतभेद सुल्झिनेछ भने आयआर्जनका नयाँ स्रोतहरु बन्नेछन् । नयाँ कारोबार थालनी वा लगानीको लागि उपयुक्त समय रहेको छ । साझेदारी व्यापारबाट लाभ मिल्नेछ । आयुर्वेद वा आध्यात्मिक ज्ञानको पढाइमा सफलता मिल्नेछ । सम्बन्धमा मर्यादा बनाएर राख्नुहोस् । झुठा आरोपले मानसिक कष्टको योग छ, सावधान रहनुहोला ।

वृश्चिक ( तो, ना, नि, नु, ने, नो, या, यि, यु )
वृश्चिक राशि हुनेहरूको लागि समय सामान्य रहेको छ । आर्थिक पक्ष सबल बनाउनको लागि परिश्रमबाट टाढा नभाग्नुहोस् । राजनीतिक क्षेत्रमा संवेदनशील मामलाहरूमा बोल्दा शब्द चयनमा विशेष ध्यान दिनुहोला । आसमर्दो कार्य बन्नाले मनमा उत्साह जाग्नेछ र नयाँ कार्यतर्फ अग्रसर भइनेछ । पारिवारिक सम्बन्धलाई सबल बनाउनको लागि परिवारको कुरालाई पनि महत्व दिनुहोला । वैदेशिक क्षेत्रबाट शुभ समाचार मिल्नेछ । श्वासप्रश्वास वा रक्त सम्बन्धी समस्या छ भने स्वास्थ्यमा विशेष ध्यान राख्नुहोस् । प्रशासनिक र राजकीय क्षेत्रका कार्यहरूमा विलम्ब हुनेछ ।

धनु ( ये, यो, भा, भि, भु, धा, फा, ढा, भे )
यो महिना अत्यन्त श्रेष्ठ रहनेछ । भाग्यको साथ मिल्नाले अप्ठ्यारो काम पनि समयमा सम्पादन हुनेछन् । नयाँ व्यवसायको जग राखिनेछ । पिताको कार्यक्षेत्रमा पदोन्नति हुनु साथै धार्मिक यात्राका योग बनिरहेका छन् । कला र संगीतको क्षेत्रमा राम्रो अवसर मिल्नेछ । उद्योगमा नयाँ अनुबन्धहरूले मनग्य फाइदा मिल्नेछ । आर्थिक पक्ष सबल रहनेछ । धन कमाएतापनि जोगाउन गाह्रो देखिएको छ । घरपरिवारसँग मनोरञ्जनात्मक समय बित्नेछ । कार्यक्षेत्रमा प्रगति हुनेछ । भूमि भवन वा नयाँ सवारी साधन जोड्ने योग छ । विद्यार्थीहरूको लागि पठनपाठनमा गुरुजनहरूको सहयोग मिल्नेछ । कार्यक्षेत्रमा हातमा लिएको कार्य सिद्ध हुनेछ ।

मकर ( भो,जा,जि,जु,जे,जो,ख,खि,खु,खे,खो,गा,गि )
यो महिना अत्यन्त शुभ रहनेछ । पिताको कार्यक्षेत्रमा सम्मान बढ्नेछ । लोकसेवा आदिको परिणाममा सफलता मिल्नेछ । सरकारी नोकरीको लागि प्रयासरत हुनुहुन्थ्यो भने सफलता मिल्नेछ । बेरोजगारहरूलाई नयाँ नोकरीको मार्ग प्रशस्त हुनेछ । भूमि भवनको किनबेचबाट मनग्य लाभ प्राप्त हुनेछ । अविवाहित हुनुहुन्छ भने विवाहका कुराहरू टुङ्गिनेछन् । पारिवारिक उल्झनहरू सुल्झिनेछन् । युवा छात्र छात्राहरूले मौज मस्ती भन्दा पढाइमा ध्यान दिनुपर्ने हुन्छ । कार्यक्षेत्रमा विशेष पदको जिम्मेवारी मिल्नेछ । प्रभावशाली व्यक्तित्वसँगको भेटघाटले जीवनमा नयाँ परिवर्तन आउनेछ । स्वास्थ्य सबल रहनेछ ।

कुम्भ (गु, गे, गो, सा, सि, सु, से, सो, दा )
मकर राशि हुनेहरूको लागि यो महिना शुभ फलदायी रहेको छ । प्रशासनिक क्षेत्रमा प्रभाव बढ्नेछ । माननीयजनहरूबाट प्रशंसा मिल्नेछ । आर्थिक पक्ष सबल रहनुका साथै नयाँ व्यापार विस्तारको लागि पनि समय उपयुक्त रहेको छ । आँटेको काममा सफलता मिल्नेछ । अस्थायी नोकरीलाई स्थायी बनाउन उपयुक्त समय रहेको छ । स्वास्थ्यले साथ दिनेछ । व्यापार व्यवसायमा अति आत्मविश्वासले हानि हुने सम्भावना रहेको छ । परिवारलाई समय दिने प्रयास गर्नुहोला । दाम्पत्य जीवनमा जीवनसाथीको कुरालाई बेवास्था नगर्नुहोस् । नयाँ प्रेम प्रसङ्ग अगाडि बढ्ने सम्भावना रहेको छ ।

मीन ( दि, दु, थ, झ, ञ, दे, दो, चा, चि )
मीन राशि हुनेहरूको लागि यो समय सामान्य रहेको छ । महत्वकांक्षी योजना सम्पादन नहोलान । समाजमा इष्टमित्रहरूको साथ मिल्ने तथा नयाँ मित्रको सम्पर्कले रोकिएको कार्य सम्पादन हुनेछ । पुराना मित्रहरूसंगै घर परिवारमा मनमुटाव हुन सक्ला । पुरानो विवादलाई लिएर घरमा झैँ झगडाका योग छन् । स्वास्थ्यको दृष्टिकोणले यो समय सामान्य रहेको छ । यात्रामा बाधा आउनेछ । वैदेशिक रोजगारमा सफलता मिल्नेछ । नोकरीमा अपयस मिल्नाले मन अशान्त रहन सक्छ । विद्यार्थीहरूलाई अध्ययनको क्षेत्रमा नयाँ सिक्ने मौका मिल्नेछ ।

– ज्यो. प.धर्मेन्द्र कृष्ण पौडेल