कक्षा १२ को परीक्षा अन्योलमा, निर्णय गर्न बोर्डको बैठक बस्दैँ

काठमाडौं । कक्षा १२ को परीक्षाबारे निर्णय गर्न परिक्षा बोर्डको बैठक बस्दैँछ । शिक्षकहरूको निरन्तर आन्दोलनका कारण कक्षा १२ को परिक्षा अन्यौंलमा परे पछि बोर्ड बैठक बस्न लागेको हो ।

आजको बैठकले कक्षा १२ को परीक्षा सञ्चालन गर्ने वा नगर्नेबारे निर्णय गर्ने बोर्डका अध्यक्ष डा महाश्रम शर्माले जानकारी दिए ।

शिक्षक महासंघको आह्वानमा गत २० चैतदेखि सडक आन्दोलनमा रहेका शिक्षकहरूले माइतीघर–बानेश्वर सडक खण्डमा प्रदर्शन गरिरहेका छन्, शिक्षा एेन जारी नभएसम्मका आन्दोलन नरोकिने उनीहरूको भनाइ रहेको छ।

उनीहरू आन्दोलनमा नै रहेको खण्डमा प्लस टुको परिक्षा प्रभावित हुन सक्नेछ। साथै, शिक्षकहरू माग पूरा नभएसम्म कक्षा १२ को परीक्षामा सहभागी नहुने अडानमा उनीहरू रहेका छन् ।