वैशाख १३ गतेदेखि १९ गतेसम्म कस्तो रहला त तपाईको भाग्य, हेर्नुहोस् राशिफल

मेष (चु, चे, चो, ला, लि, लु, ले, लो, अ)
साताको प्रारम्भ मान प्रतिष्ठामा वृद्धि हुनेछ । कार्य क्षेत्रमा उच्च पदासीन व्यक्तिहरूसँग सम्पर्क बढ्नेछ । साताको मध्यमा पारिवारिक सद्भाव बढ्नेछ । बोलीको माध्यमले कार्य सिद्धि गर्न सक्नुहुनेछ । बच्चाहरूसँग मनोरञ्जनात्मक समय बित्नेछ । साताको अन्त्यमा साहस र उत्साहमा वृद्धि हुनेछ । कानुनी समस्याहरु सुल्झिनेछन् ।

वृष (इ, उ, ए, ओ, वा, वि, वु, वे, वो)
साताको प्रारम्भमा वैदेशिक रोजगारबाट लाभ मिल्नेछ । रोग प्रतिरोधात्मक क्षमता बढाउनको लागि पौष्टिक भोजनको सेवन गर्नुहोला । साताको मध्यमा कार्यक्षेत्रमा पुरानो गरिएको कार्यको प्रशंसा हुनेछ । उद्योग व्यापारमा नयाँ कीर्तिमान स्थापित गर्न सकिनेछ । साताको अन्त्यमा विद्यार्थीहरूलाई कला वा संगीतको क्षेत्रमा विशेष सफलता मिल्नेछ ।

मिथुन (का, कि, कु, घ, ङ, छ, के, को, हा)
साताको प्रारम्भमा आँटेको कार्य सम्पादन गर्नमा सफल भइएला । शुभचिन्तकहरूको साथ र सहयोग जुट्नेछ । साताको मध्यमा फिजुल खर्चबाट बच्नुहोस् । आर्थिक पक्ष सामान्य रहनेछ । पारिवारिक सम्बन्धले नयाँ समस्याहरू निम्त्याउन सक्लान् । साताको अन्त्यमा नयाँ कार्यको थालनिको लागि उपयुक्त समय रहेको छ । प्रतिष्ठित कार्य गर्ने अवसर मिल्नेछ ।

कर्कट (हि, हु, हे, हो, डा, डि, डु, डे, डो)
साताको प्रारम्भमा सामूहिक कार्यक्रममा व्यक्तिहरूसँगको भेटघाटले मन आनन्दित रहनेछ । व्यापार व्यवसायमा लाभ रहनेछ । साताको मध्यमा पारिवारिक समस्यालाई प्राथमिकता दिनुहोस् । नोकरी वा पेशामा अधिकारी वर्गहरूबाट प्रशंसा पाइएला । साताको अन्त्यमा अरूको कुरामा नलाग्नुहोस्। महत्वहीन कार्यमा समय खर्च हुनेछ ।

सिंह (मा, मि, मु, मे, मो, टा, टि, टु, टे)
साताको प्रारम्भमा धर्म कर्म प्रति मन जानेछ । शिक्षाको क्षेत्रमा पुरस्कृत भइएला । साताको मध्यमा अप्ठ्यारा परिस्थितिहरूलाई सहज बनाउन सकिनेछ । बुद्धिको उपयोगले कार्य सम्पादन गर्न सकिनेछ । साताको अन्तिममा आयआर्जनका नयाँ स्रोतहरू खुल्नेछन् । विद्यार्थीहरूलाई पठन पाठनमा गुरुजनहरूको सहयोग मिल्नेछ ।

कन्या (टो, पा, पि, पु, ष, ण, ठ, पे, पो)
साताको प्रारम्भमा कार्य क्षेत्रमा लगनशीलताले सफलता मिल्नेछ । स्वास्थ्यलाई लिएर सावधान रहनुहोस् । साताको मध्यमा पायक स्थानमा यात्राका योग छन् । रोकिएका कार्य बन्नेछन् । साताको अन्त्यमा कार्य क्षेत्रमा पिताको सहयोग मिल्नेछ । सांस्कृतिक कार्यक्रमहरूमा सहभागी भइएला ।

तुला (रा, रि, रु, रे, रो, ता, ति, तु, ते)
साताको प्रारम्भमा आफुलाइ ऊर्जावान महसुस गर्नुहुनेछ । नयाँ कार्य गर्नमा मन लाग्नेछ । साताको मध्यमा पुराना कमी कमजोरीलाई सुधार गर्ने अवसर मिल्नेछ । साताको अन्त्यमा कार्य क्षेत्रमा आफुमाथि विश्वास राखी निर्णय लिनुहोला, सफलता मिल्नेछ । विद्यार्थीहरूको पठन पाठनमा मन लाग्नेछ । नोकरी वा पेशामा योग्यताको उचित मूल्यांकन हुनेछ ।

वृश्चिक (तो, ना, नि, नु, ने, नो, या, यि, यु)
साताको प्रारम्भमा आफन्तहरूबाट उपहार पाइएला । प्रशासनिक वा राजकीय क्षेत्रमा सफलता मिल्नेछ । साताको मध्यमा संचित धनमा वृद्धि हुनेछ । प्रतिष्ठित कार्यले आफूलाई समाजमा चिनाउन सक्नुहुनेछ । साताको अन्त्यमा भौतिक सुख सुविधा जुटाउनको लागि धन खर्चका योग छन् । नोकरी वा पेशामा पहिला लिएका निर्णयहरूको प्रशंसा हुनेछ ।

धनु (ये, यो, भा, भि, भु, धा, फा, ढा, भे)
साताको प्रारम्भमा सकारात्मक विचारले मन प्रसन्न रहनेछ । धर्म कर्ममा मन लाग्नेछ । निभाउन नसक्ने वाचा नगरौँ । साताको मध्यमा पेट सम्बन्धी समस्या देखा पर्न सक्ला, खानपानमा विशेष ध्यान दिनुहोस् । सवारी साधनमा धन खर्च हुनेछ । विद्यार्थीहरूको तर्कशक्तिमा वृद्धि हुनेछ । साताको अन्त्यमा नोकरी वा पेशामा सहकर्मीहरूको साथ मिल्नेछ ।

मकर (भो,जा,जि,जु,जे,जो,ख,खि,खु,खे,खो,गा,गि)
साताको प्रारम्भ लाभदायी रहनेछ । नोकरी वा पेशामा एकाग्र भएर कार्य गर्नुहोस्, सफलता मिल्नेछ । व्यापारमा साझेदारसँग मनमुटाव सुल्झिनेछ । साथै आर्थिक लाभ रहनेछ । साताको मध्यमा हतारमा कुनै निर्णय नलिनुहोला । साथै आफ्नो निर्णयमा परिवारलाई पनि सम्मलित गर्नुहोस् । स्वास्थ्यमा ब्लड प्रेसरको समस्या छ भने चिकित्सकको सल्लाह लिनुहोस् ।

कुम्भ (गु, गे, गो, सा, सि, सु, से, सो, दा)
साताको प्रारम्भमा धैर्य र पराक्रममा वृद्धि हुनुको साथै नयाँ कार्य कार्यान्वित गर्न लागि उचित समय रहेको छ । कार्य क्षेत्रमा आफूभन्दा ठूलाको सहयोग मिल्ला । साताको मध्यमा विद्यार्थीहरूलाई शिक्षामा सफलता मिल्नेछ । पारिवारिक सद्भावमा कमी रहनेछ । साताको अन्त्यमा नोकरी वा पेशामा गुमाएको स्थान स्थापित गर्नको लागि संघर्ष गर्नुपर्ला ।

मीन (दि, दु, थ, झ, ञ, दे, दो, चा, चि)
साताको प्रारम्भमा धन लाभका नयाँ अवसर जुट्नेछन् । सुख सुविधामा वृद्धि हुनेछ । गृहणीहरूको घरायसी कामकाजमा समय बित्नेछ । साताको मध्यमा पहिला गरिएका गल्तीहरूबाट पाठ सिकेर अगाडि बढ्नुहोस् । आफन्तहरूबाट टाढा हुनाले मन खिन्न रहनेछ । सन्तानको प्रगतिले मन प्रसन्न रहनेछ । यो साताको अन्त्यमा जग्गा जमिनबाट लाभ मिल्नेछ ।

– ज्यो. प.धर्मेन्द्र कृष्ण पौडेल