काठमाडौं । नेपाल राष्ट्र बैंकले बैंक तथा वित्तीय संस्था बाहेकका भुक्तानी सेवा दिने अनुमतिप्राप्त संस्थाका लागि लाभांश वितरणसम्बन्धी मार्गदर्शन जारी गरेको छ।
मुनाफा वितरणलाई पारदर्शी, व्यवस्थित र पुनःलगानीमैत्री बनाउने उद्देश्यसहित ल्याइएको यस मार्गदर्शनले संस्थाको जोखिम वहन क्षमता र कार्यक्षमता वृद्धिमा टेवा पुग्ने राष्ट्र बैंकको विश्वास छ। मार्गदर्शनअनुसार संस्थाले नीति तर्जुमा गरी सञ्चालक समितिबाट स्वीकृत गराई कार्यान्वयन गर्नुपर्नेछ।
