दरमखोला हाइड्रो इनर्जीले भोलिदेखि सर्वसाधारणका लागि आईपीओ निष्कासन गर्दै

काठमाडौं । दरमखोला हाइड्रो इनर्जी लिमिटेडले यही साउन १५ गते (भोलि) देखि सर्वसाधारणका लागि आईपीओ निष्कासन गर्न लागेको छ। कम्पनीले प्रतिकित्ता १०० रुपैयाँ दरमा कुल २४ लाख २३ हजार १८५ कित्ता शेयर निष्कासन गर्नेछ।

नेपाल धितोपत्र बोर्डबाट स्वीकृति प्राप्त यस कम्पनीले पहिलो चरणमा आयोजना प्रभावित स्थानीय तथा वैदेशिक रोजगारीमा रहेका नेपालीहरूलाई क्रमशः १० लाख ३० हजार ५०० र २ लाख ९१ हजार १५० कित्ता शेयर बिक्री गरिसकेको छ। सामूहिक लगानी कोषका लागि १ लाख ४५ हजार ९७५ कित्ता र कर्मचारीहरूका लागि ५८ हजार ३९० कित्ता सुरक्षित गरी बाँकी शेयर सर्वसाधारणका लागि खुला गरिएको हो।

आईपीओमा न्यूनतम १० कित्ता र अधिकतम ५० हजार कित्तासम्म आवेदन दिन सकिनेछ। आवेदन दिने अन्तिम म्याद साउन १९ गतेसम्म तोकिएको छ। यस आईपीओको निष्कासन तथा बिक्री प्रबन्धक लक्ष्मी सनराइज क्यापिटल लिमिटेड रहेको छ।

इन्फोमेरिक्स क्रेडिट रेटिङ्ग नेपालले दरमखोलालाई ‘आईआरएन डबल बी माइनस’ रेटिङ्ग प्रदान गरेको छ, जसले कम्पनीको दायित्व बहन क्षमतामा औसत जोखिम रहेको संकेत गर्दछ। लगानीकर्ताहरूले सी(आश्वा सेवामार्फत वा मेरो सेयर प्रणाली प्रयोग गरी आवेदन दिन सक्नेछन्।