आफुलाई प्रहरी तथा सेनाको सिआइडी हुँ भनेर लुट्दै हिड्नेलाइ प्रहरीले यसरी समात्यो

नेपाल प्रहरीलेजानकारी केन्द्रलाइ बताए अनुशार  विभिन्न ठाउँमा जवरजस्ती लुटने कार्यमा संलग्न  रोल्पा धवाङ गाविस–४ का ३६ वर्षीय बसन्त थापालाई असार १९ गते पोखरा उपमहानगरपालिका–१४ चाउथेबाट प्रहरीले पक्राउ गरेको छ ।
थापाले आफुलाई प्रहरी तथा सेनाको सिआइडी हुँ भनी पोखरा तथा आसपासका क्षेत्रमा मानिसहरुलाई तपाईहरुको शरीर तथा सामानहरु चेकजाँच गर्नुपर्यो  भनी डरत्रास देखाई उनीहरुको साथमा रहेका बिभिन्न प्रकारका मोवाइल सेटहरु लुटपाट गर्ने गरेका थिए ।
थापाले जबरजस्ती चोरी गरी लगेका सामानहरुमध्ये बिभिन्न मोडेलका १७ थान मोवाईल सेटहरु तथा १ वटा  साईकल निजले बिक्री गरेका बिभिन्न पसलहरुबाट प्रहरीले बरामद गरेको छ । साथै चोरीको मोवाईल हो भनी थाहा हुँदाहुँदै थापाबाट मोवाईल सेट खरिद गर्ने तनहुँ शुक्लागण्डकी नगरपालिका–४ बस्ने ३० वर्षीय सन्तोष सुनार भन्ने कमल सुनार र सोही नगरपालिका–३ बस्ने २३ वर्षीय रमित श्रेष्ठबिरुद्धसमेत प्रहरीबाट अनुसन्धान कार्य भइरहेको प्रहरीले जनाएको  छ ।