विदेश अध्ययनका लागि नेपाली विद्यार्थीमार्फत ३२ अर्बभन्दा बढी रकम बाहिरियो

काठमाडौं । उच्च शिक्षा अध्ययनका लागि विदेश जाने नेपाली विद्यार्थीमार्फत ठूलो मात्रामा वैदेशिक मुद्राको बाहिरिनु जारी छ। नेपाल राष्ट्र बैंकले सार्वजनिक गरेको चालु आर्थिक वर्ष २०८२/८३ को दोस्रो महिनासम्मको विवरणअनुसार, भदौ महिनामा मात्र नेपाली विद्यार्थीहरूले ३२ अर्ब ७६ करोड रुपैयाँ विदेश लगेका छन्। यो अघिल्लो वर्षको सोही अवधिको २८ अर्ब २० करोडको तुलनामा उल्लेखनीय वृद्धि हो।

समीक्षा अवधिमा सेवा खाताअन्तर्गत भ्रमण खर्च पनि वृद्धि भएको छ। भ्रमण खर्च ९.६ प्रतिशतले वृद्धि भई ४७ अर्ब ३१ करोड पुगेको छ, जुन अघिल्लो वर्षको सोही अवधिमा ४३ अर्ब १८ करोड थियो। त्यस्तै, समीक्षा अवधिमा खुद सेवा आयमा ३१ अर्ब १६ करोड रुपैयाँको घाटा देखिएको छ। गत वर्षको यही अवधिमा यो घाटा २७ अर्ब ९३ करोड रुपैयाँ रहेको थियो।

तर, सेवा खातामार्फत नेपाल आउने भ्रमण आय भने ९.८ प्रतिशतले वृद्धि भई ११ अर्ब ५८ करोड पुगेको छ। अघिल्लो वर्ष सोही अवधिमा भ्रमण आय १० अर्ब ५५ करोड थियो।