नबिल बैंकको प्रतिकित्ता ३०१ रुपैयाँमा संस्थापक शेयर बिक्रीमा

काठमाडौं । नबिल बैंक लिमिटेडले आफ्ना तीन जना संस्थापक शेयरधनीहरूको स्वामित्वमा रहेको कुल १ लाख २५ हजार कित्ता संस्थापक शेयर बिक्रीको प्रक्रिया सुरू गरेको छ। बैंकका संस्थापक जीत बहादुर श्रेष्ठका ५० हजार, जिज्ञाशा अर्यालका ५० हजार र जश श्रेष्ठका २५ हजार कित्ता शेयर बिक्रीमा राखिएको बैंकले जनाएको छ।

बैंकका अनुसार हालका लागि यी शेयरहरू खरीद गर्न केवल बैंककै विद्यमान संस्थापक शेयरधनीहरू पात्र हुनेछ । इच्छुक संस्थापक शेयरधनीहरूले ३५ दिनभित्र काठमाडौं दरबारमार्गस्थित बैंकको केन्द्रीय कार्यालयमा रहेको कम्पनी सचिवको कार्यालयमा आफूले खरीद गर्न चाहेको शेयर संख्या र प्रस्तावित मूल्य उल्लेख गरी गोप्य शिलबन्दी निवेदन पेश गर्नुपर्नेछ।

जश श्रेष्ठका २५ हजार कित्ता शेयरको न्यूनतम मूल्य प्रतिकित्ता रु ३०१.१० तोकिएको छ। बाँकी १ लाख कित्ता शेयरको न्यूनतम मूल्य भने तोकिएको छैन।