वीरगन्ज नाकाबाट चालु आवको ६ महिनामा ४ खर्ब ३८ अर्बको आयात

वीरगन्ज । चालु आर्थिक वर्षको पहिलो ६ महिनामा वीरगन्ज नाका हुँदै चार खर्ब ३८ अर्ब २१ करोड रुपैयाँ मूल्य बराबरका वस्तु तथा सामान आयात भएका छन्।

गत आवको सोही अवधिसँग तुलना गर्दा आयात १५.३० प्रतिशतले वृद्धि भएको छ। यस अवधिमा सबैभन्दा बढी पेट्रोलियम पदार्थ, फलाम तथा फलामजन्य सामग्री, मेसिनरी, भटमासको कच्चा तेल, विद्युतीय उपकरण र कपडा आयात भएको भन्सार कार्यालयले जनाएको छ।

वीरगन्ज भन्सार कार्यालयका सूचना अधिकारी उदयसिंह विष्टका अनुसार, समीक्षा अवधिमा यस नाकाबाट हुने आयातमा उल्लेखनीय वृद्धि देखिएको छ।