रास्वपाले गर्यो चुनावी वाचापत्र सार्वजनिक

काठमाडौँ । राष्ट्रिय स्वतन्त्र पार्टीले प्रतिनिधिसभा सदस्य निर्वाचन लक्षित आफ्नो वाचापत्र सार्वजनिक गरेको छ । कर्णाली प्रदेशको राजधानी सुर्खेतमा बिहीबार आयोजित चुनावी सभामार्फत पार्टीले आगामी निर्वाचनका लागि आफ्ना प्राथमिकता र योजनाहरु सार्वजनिक गरेको छ ।

कार्यक्रममा सभापति रवि लामिछाने,वरिष्ठ नेता बाालेन शाह,उपसभापति डोलप्रसाद अर्याल तथा नेता स्वर्णिम वाग्ले लगायतले संयुक्त रुपमा वाचापत्र सार्वजनिक गरेका छन् । नेताहरुले वाचापत्रलाई जनताको जीवनस्तर सुधारतर्फ केन्द्रित दस्ताजवेज का रुपमा प्रस्तुत गरे ।

रास्वपाले आफ्नो घोषणपत्रमा विशेष गरी मध्यम वर्गका मुद्धालाई प्राथमिकता दिएको जनाएको छ । कर व्यवस्था ,रोजगारी सिर्जना,शिक्षा स्वास्थ्यमा सुधार तथा सुशासनलाई मुख्य एजेन्डाका रुपमा अघि सारेको पार्टिले बताएको छ । साथै,आर्थिक पारदर्शिता र सेवा प्रवाहलाई चुस्त बनाउने प्रतिबद्धता पनि वाचापत्रमा समेटिएको बताइएको छ ।

निर्वाचन नजिकिँदै जादाँ विभिन्न दलहरुले घोषणापत्र सार्वजनिक गर्ने क्रम जारी रहँदा रास्वपाले कणार्लीबाट आफ्नो एजेन्डा सार्वजनिक गरेको हो । पार्टीले वाचापत्रमार्फत मतदातासामु व्यहारिक र कायान्वयनयोग्य योजना प्रस्तुत गरेको दाबी गरेको छ ।