२०८२ चैत ०२ गते सोमबार, हेर्नुहोस् आज कुन राशिलाई कति लाभ ?

मेष राशि-
सन्तान वा अनुयायीका माध्यमबाट फाइदा उठाउन सकिनेछ । यात्राको योग रहेको छ । मान्यजन वा अभिभावक वर्ग रुष्ट हुन सक्ने सम्भावना छ । जग्गा जमिन वा घरायसी सम्पत्तिको चिन्ताले सताउन सक्छ । समाजमा तपाईंका कुरा काट्नेहरूको कमी हुने छैन । आकस्मिक यात्राको सम्भावना देखिन्छ ।

वृष राशि-
शरिरमा आलस्य र थकानको अनुभव हुनेछ । अप्रिय समाचार सुन्नुपर्दा मन खिन्न हुन सक्छ । मानसिक तनाव बढ्ने सम्भावना छ । आकस्मिक रूपमा स्वास्थ्यमा समस्या आउन सक्छ । खर्च बढ्नुका साथै शरिरमा आलस्यता बढ्नेछ । विश्वास गरेका व्यक्तिबाट धोका हुन सक्ने सम्भावना छ ।

मिथुन राशि-
मनग्य धन कमाउने अवसर मिल्नेछ । अरूको मन जित्न सजिलै सकिनेछ । आम्दानी बढ्ने तथा उठ्नु पर्ने रकम हात लाग्ने समय छ । कृषि तथा पशुधनबाट लाभ लिन सकिनेछ । तर काममा रुचि घट्न सक्छ र मनमा नकारात्मक विचार आउन सक्छन् ।

कर्कट राशि-
अरूबाट तपाईंका कामको उच्च मूल्यांकन हुने संकेत देखिन्छ । बोलीको कदर हुनेछ । कुनै विशेष खुशीको समाचार सुन्न पाइनेछ । राम्रो कामका लागि अनुकूल वातावरण बन्नेछ । दिन दुःखीलाई दिएको सहयोगले रोकिएका काम बन्न सक्छन् । धन लगानी गर्ने अवसर प्राप्त हुन सक्छ ।

सिंह राशि-
व्यवसायिक क्षेत्रमा लाभप्रद समय रहेको छ । पुराना इष्टमित्र तथा प्रेमी प्रेमिकासँग भेटघाट हुने सम्भावना छ । उद्योग र व्यापारमा विशेष फाइदाको योग छ । सहयोगीहरूले साथ दिनेछन् र काममा सोचेजस्तै सफलता मिल्नेछ । सहयोग, पुरस्कार र हौसला बढ्नेछ । बिग्रिएका कामहरू बन्नेछन् ।

कन्या राशि-
बोलीको विपरीत अर्थ लाग्न सक्छ, त्यसैले बोलीलाई नियन्त्रणमा राख्नु उचित हुनेछ । व्यापारमा केही हानी व्यहोर्नु पर्ने सम्भावना छ । कर्मचारीले अपजस सहनु पर्न सक्छ । यात्रा जोखिमपूर्ण बन्न सक्छ, त्यसैले यात्रा नगरेकै राम्रो हुन्छ । विश्वास गरेका व्यक्तिबाट विश्वासघात हुने सम्भावना पनि देखिन्छ । यद्यपि समाजमा प्रतिभाको कदर हुनेछ ।

तुला राशि-
विश्वास गरेका व्यक्तिबाट विश्वासघात हुने सम्भावना छ । पारिवारिक समस्याले मन खिन्न हुन सक्छ । अध्ययन, अध्यापन तथा लेखनमा खासै रुचि नदेखिन सक्छ । चोट पटकको भय पनि देखिन्छ । माता पिताको स्वास्थ्यमा केही कमजोरी आउन सक्छ । सभा सम्मेलनमा सहभागी हुने अवसर मिल्नेछ ।

वृश्चिक राशि-
मिष्ठान्न भोजन प्राप्त हुने सम्भावना छ । पठन पाठनमा प्रगति हुनेछ । नसोचेका कामहरू बन्नेछन् । आत्मविश्वास र शीघ्र निर्णय गर्ने क्षमता बढ्नेछ । विपरीत लिङ्गीबाट सहयोग प्राप्त हुनेछ । प्रशस्त धन आर्जन गर्ने मौका छ । कर्म प्राप्तिको योग रहेकोले राम्रै सफलता मिल्नेछ ।

धनु राशि-
समय मनोरञ्जनपूर्ण रहनेछ । नयाँ ज्ञान सिक्ने अवसर मिल्नेछ । व्यवसायिक यात्राको सम्भावना छ । दाजुभाइको प्रगतिको समाचार सुन्न पाइनेछ । पारिवारिक जीवन सामान्य र सन्तोषजनक रहनेछ । व्यवसायबाट प्रशस्त फाइदा उठाउने अवसर मिल्नेछ । प्रतिस्पर्धीहरू पराजित हुन सक्छन् ।

मकर राशि-
सानातिना काम तथा घरेलु समस्यामै समय बित्न सक्छ । प्रत्येक काममा बाधा अड्चन आउने सम्भावना छ । वादविवादमा फस्ने तथा प्रतिफल नआउने क्षेत्रमा लगानी हुन सक्छ । यद्यपि बौद्धिक र सृजनात्मक क्षेत्रमा सफलता मिल्नेछ । स्वास्थ्यमा समस्या आएर दैनिक कामकाजमा असर पर्ने सम्भावना छ ।

कुम्भ राशि-
सामाजिक उत्तरदायित्व वहन गर्ने समय छ । परोपकार तथा धार्मिक कार्यतर्फ मन जानेछ । दाम्पत्य जीवन सुखद र समृद्ध बन्ने संकेत देखिन्छ । आम्दानी उल्लेख्य रूपमा बढ्नेछ । पारिवारिक सुख प्राप्त हुनेछ । अध्ययन अध्यापनको क्षेत्रमा प्रगतिको खबर सुन्न पाइनेछ ।

मीन राशि-
काममा माता पिताको सहयोग प्राप्त हुनेछ । माता पिता वा विशिष्ट व्यक्तिको विचारले प्रभावित बनाउन सक्छ । सवारी साधन प्राप्तिको योग छ । व्यापारमा लाभ हुनेछ । धर्म कर्ममा रुचि बढ्नेछ । खेलकुद तथा कलाकारिता क्षेत्रमा संलग्न व्यक्तिहरूका लागि समय उत्साहजनक रहनेछ ।