काठमाडौंः विश्वप्रसिद्ध प्रविधि कम्पनी शाओमीले रेडमी बड्स ८ लाइट नेपालमा ल्याएको जनाएको छ । यसमा डुअल माइक्रोफोनसहित एआई इएनसी,उच्च ध्वनि गुणस्तर र लामो समय टिक्ने ब्याट्रीको सुविधा रहेको बताइएको छ । कम्पनीका अनुसार यसको डिजाइन सहज र आरामदायी भएकाले लामो समयसम्म प्रयोग गर्न सक्नुका साथै स्मार्ट ट्याप कन्ट्रोल भएकाले कल,संगीत र अन्य कामहरू सजिलै गर्न सकिन्छ।
उन्नत न्वाइज क्यान्सलेसनः रेडेमी बड्स ८ लाइटमा एक्टिभ न्वाइज क्यान्सलेसन र विन्ड न्वाइज घटाउने सुविधा छ । यसले मेट्रोको आवाज, एसीको आवाज तथा बाहिरको हावाको आवाज जस्ता कम फ्रिक्वेन्सीका ध्वनिहरूलाई कम गर्नुका साथै डुअल माइक्रोफोन एआई इएनसीले आवाजलाई छुट्याएर स्पष्ट र अवरोधबिनाको कुराकानी गर्न सहयोग गर्छ भने जसले गर्दा बैठक वा लाइभ सेसनहरूमा सजिलो हुने बताइएको छ।
उच्च ध्वनि गुणस्तरःकम्पनीका अनुसार यसमा १२.४ एमएम टाइटानियम डायाफ्राम भएको ड्राइभर प्रयोग गरिनुका साथै यसले गहिरो र स्पष्ट ध्वनि प्रदान गर्दछ भने यसले संगीत वा पोडकास्ट सुन्दा प्रयोगकर्तालाई आनन्द आउने खालको हुन्छ। त्यस्तै गरी प्रयोगकर्ताले आफ्नो रुचिअनुसार ध्वनि सेटिङ ( इक्यू ) परिवर्तन गरेर बास बढाउने वा ट्रेबल सुधार गर्ने सुविधा पनि पाउने जनाइएको छ।
डिभाइसहरू बीच सजिलो कनेक्टिभिटीः यी इयरबड्सले दुई वटा डिभाइससँग एकै पटक जडान हुने सुविधा पनि दिने बताइएको छ। रेडमी बड्स ८ लाइटले काम र मनोरञ्जनबीच सजिलै स्विच गर्न मद्दत गर्नुका साथै कल र अन्य गतिविधिबीच परिवर्तन गर्न सहज हुन्छ भने नयाँ डिभाइससँग जडान गर्न पनि एक ट्यापमै सम्भव रहको कम्पनीको दाबी छ।
दमदार ब्याट्री क्षमताः रेडमी बड्स ८ लाइटले लामो समयसम्म चल्ने ब्याट्री दिनुका साथै इयरबड्स मात्रै ८ घण्टासम्म चल्छन् भने चार्जिङ केससहित कुल ३६ घण्टासम्म प्रयोग गर्न सकिने बताइएको छ। त्यस्तै फास्ट चार्जिङको सुविधा भएकाले १० मिनेट चार्ज गर्दा २ घण्टासम्म संगीत सुन्न सकिन्छ।
उपलब्धताः कम्पनीका अनुसार रेडमी बड्स ८ लाइट कालो र सेतो दुई रङमा उपलब्ध रहेको छ भने यसमा विभिन्न साइजका इयर टिप्स दिइएका छन्, जसले प्रयोगकर्तालाई आफ्नो कानको साईजअनुसार मिलाउन मद्दत गर्नेछ। यसको मूल्य रु. ४ हजार १ सय ९९ राखिनुका साथै १ वर्षको वारेन्टी पनि उपलब्ध छ । थप सुविधा प्रयोग गर्नका लागि प्रयोगकर्ताले सायोमि इयरबड्स एप डाउनलोड गरेर व्यक्तिगत सेटिङहरू प्रयोग गर्न सक्छन्।
