नेपाल टेलिकमले अब डाटा सकिएपछि ब्यालेन्स नकाट्ने

काठमाडौँ । नेपाल टेलिकमले डाटा सकिएपछि स्वतःब्यालेन्स काट्ने व्यवस्था हटाउँदै नयाँ ग्राहक मैत्री प्रणाली ल्याउने भएको छ। अब  प्रयोगकर्ताले डाटा सकिनुअघि सूचना पाउनेछन् र सेवा जारी राख्ने वा नयाँ प्याकेज लिने निर्णय आफैँ लिन सक्नेछन् ।

नयाँ व्यवस्थामा “पे–एज–यू–गोज” विकल्प  पनि रहनेछ भने यसले डाटा समाप्त भएपछि स्वतःशुल्क लाग्ने  कि इन्टरनेट बन्द गर्ने भन्ने  छनोट  दिन्छ । यो  सुधार  सञ्चार  तथा सूचना प्रविधि मन्त्रालयको  निर्देशनपछि अघि बढाइएको  हो ।

कम्पनीले  ‘वान टाइम केवाइसी’ लागू  गर्दै ग्राहकले  एकपटक दिएको   विवरण पुनःदिनुनपर्ने व्यवस्था गर्नेछ । त्यस्तै गरी इ–सिम पुनः प्राप्ति,स्वामित्व  परिवर्तन र  गुनासो  व्यवस्थापनजस्ता सेवा अनलाइनमार्फत उपलब्ध गराइनेछ ।

यससँगै  एकल  बिन्दु सेवा काउन्टर  स्थापना र  फोरजी  सेवा सुधारका लागि नीतिगत परिवर्तन गरिनेछ ।  यसले  सेवा सहजता इन्टरनेट गति र  ग्राहक सन्तुष्टिमा सुधार  ल्याउने  अपेक्षा गरिएको छ ।