नयाँ वर्षको पहिलो दिनः कस्तो रहनेछ मौसम ?

काठमाडौँ । नयाँ वर्षको पहिलो दिन देशभर मौसम सामान्य रहने देखिएको छ । अधिकांश स्थानमा आकाश खुल्ला रहनेछ र वर्षको खासै सम्भावना रहेको छैन ।

तर पहाड र हिमाली क्षेत्रमा आंसिक बदली रहनेछ । कोसी र गण्डकी प्रदेशका केही स्थानमा स्थानीय वायूको प्रभावका कारण हल्का वर्ष हुन सक्ने अनुमान गरिएको छ ।

दिउँसोको समयमा केही हिमाली भूभागमा मेघगर्जन तथा चट्यांगसहित हल्का वर्षा हुन सक्ने विभागले जनाएको छ । तराई क्षेत्रमा भने मौसम प्राय सफा रहनेछ ।

रातिको समयमा पनि उस्तै अवस्था रहनेछ । केही हिमपातको सम्भावना भए पनि समग्रमा मौसमले नयाँ वर्ष मनाउन बाधा नपुर्याउने मौसम पुर्वानुमान महाशाखाले बताएको छ ।