अब जन्म,विवाह दर्ता लगायतका प्रमाणपत्र नागरिक एपमै हुने

काठमाडौँ । सरकारले जन्म,विवाह र सम्बन्धविच्छेद दर्ता जस्ता पञ्जीकरण सम्बन्धी प्रमाणहरु अब नागरिक एपमार्फत उपलब्ध गराउने तयारी गरेको छ । यी सेवाहरुलाई एकीकृत डिजिटल प्रणलीमा समेट्ने काम सुरु भइसकेको छ ।

सूचना प्रविधि विभागका अनुसार केही समयमै नागरिकले यस्ता प्रमाणपत्र अनलानबाटै प्राप्त गर्न सक्नेछन् । यसले कार्यालय धाउनुपर्ने झन्झट घटाउने अपेक्षा गरिरहेको छ ।

यससँगै लोक सेवा प्रवेशपत्र,निजामती विवरण र एनओसीजस्ता सेवाहरु पनि नागरिक एपमा समावेश गर्ने काम अन्तिम चरणमा पुगेको छ । अन्य निकायसँग समन्वय गरेर थप सेवाहरु जोडिदैँ छन् । सरकारले निर्धारित समयभन्दा छिटो काम सक्न निर्देशन दिएको छ र प्रणाली विकासलाई तीव्र बनाइएको छ । यसले डिजिटल सुशासनलाई थप मजबुत बनाउने लक्ष्य राखेको छ ।

यो पहलले सेवा प्रवाहलाई सहज,छिटो र पारदर्शी बनाउने विश्वास गरिएको छ । त्यस्तै गरी नागरिक एपलाई ”वन स्टप डिजिटल सेवा प्लेटफर्म ‘बनाउने सरकारको योजना छ ।