काठमाडौँ । नेपाली बजारमा विस्तार हुँदै गएको बर्ली होम एप्लायन्सेसले व्यवसायीक प्रयोगका लागि तीन नयाँ एयरकुलर सार्वजनिक गरेको छ । कम्पनीले सीजी इलेक्ट्रोनिक्समार्फत बैँक,अफिस,रेस्टुरेन्ट,शोरुम तथा अन्य भीडभाड हुने स्थानलाई लक्षित गर्दै उच्च क्षमता भएका कूलर ल्याएको बताएको छ ।
नयाँ मोडलहरुमा मेगाकूल ४ डब्लुएस–१३५ एल,वाइन्ड ३ एस–१२० एल र मेगाकुल ४ डब्लुएस–१०० एल समावेश रहेको जनाइएको छ । यीमध्ये १३५ लिटर टया्ंकी क्षमतासहितको मेगाकुल ४ डब्लू एस–१३५ एल सबैभन्दा शक्तिशाली मोडलका रुपमा प्रस्तुत गरिएको छ,जसले प्रतिघण्टा ९००० घनमिटर हावा प्रवाह गर्न सक्ने कम्पनीले बताएको छ । त्यस्तै गरी १२० लिटर क्षमताको वाइन्ड कमान्डरले ७५०० घनमिटर हावा प्रवाह दिने क्षमता राख्छ भने १०० लिटरको मोडललाई किफायती विकल्पको रुपमा ल्याइएको जनाइएको छ ।
कम्पनीका अनुसार यी कूलरहरुमा चारैतर्फ हावा फैलिने विशेष प्रयोग गरिएको छ,जसले ठूलो क्षेत्रलाई समान रुपमा चिसो बनाउने काम गर्छ । त्यस्तैगरी हनीकोम्ब प्याड,अटो–फिल सिस्टम,बलियो बडी र सजिलै सार्न मिल्ने चक्काजस्ता सुविधाले प्रयोगलाई अझ सहज बनाउने बताइएको छ ।
यसअघि पनि बर्लीले एकैपटक १७ एयर कूलर र ६ गिजर सार्वजनिक गरेर बजारमा उपस्थिति बलियो बनाउनुका साथै आफ्ना उत्पादनहरु देशभरका सीजी डिजिटल शोरुम,आधिकारिक विक्रेता तथा अनलाइन माध्यमबाट उपलब्ध गराउँदै आएको छ भने सेवा विस्तारका लागि ४० भन्दा बढी सेवा केन्द्र सञ्चालनमा रहेको जनाइएको छ ।
