भरतपुर । नारायणगढ-मुग्लिन सडकखण्ड अन्तर्गत इच्छाकामना गाउँपालिका-५ तुइनखोलामा सुख्खा पहिरो खसेपछि आज बिहानैदेखि सडक अबरुद्ध भएको छ ।
मुग्लिनस्थित इलाका प्रहरी कार्यालयका प्रमुख प्रहरी निरीक्षक प्रतीक सिंहका अनुसार पहिरोका कारण सडक पूर्ण रुपमा बन्द भएको हो ।
सडक डिभिजन कार्यालयसँग समन्वय गरेर पहिरो हटाउने काम सुरु गरिएको बताइएको छ । पहिरो पन्छाउन प्रहरी टोली परिचालन गरिएको प्रहरीले जनाएको छ ।
यात्रु तथा सवारी चालकलाई आवश्यक सर्तकता अपनाउन र वैकल्पिक मार्गबारे जानकारी लिएर मात्र यात्रा गर्न आग्रह गरिएको छ ।
