एसइईको ग्रेडवृद्धि परीक्षा असार १ गतेदेखि : परीक्षा तालिका सार्वजनिक

काठमाडौं । माध्यमिक शिक्षा परीक्षा (एसइई)को पूरक (ग्रेडवृद्धि) परीक्षाको तालिका सार्वजनिक भएको छ । राष्ट्रिय परीक्षा बोर्डका अनुसार पूरक परीक्षा आगामी असार १ गतेदेखि ९ गतेसम्म सञ्चालन हुनेछ ।

बोर्डले अन्तिम ग्रेड ‘सी’ वा ‘सी’भन्दा कम प्राप्त गरेका विद्यार्थीलाई पूरक परीक्षामा सहभागी हुन पाउने व्यवस्था गरेको जनाएको छ । यस वर्षको एसइई नतिजाअनुसार १ लाख ४६ हजार ५०७ विद्यार्थी नन–ग्रेडेड भएका छन् ।

राष्ट्रिय परीक्षा बोर्डले गत सोमबार एसइईको नतिजा सार्वजनिक गरेको थियो । यसपटक परीक्षा सकिएको २९ दिनमै नतिजा सार्वजनिक गरिएको बोर्डले जनाएको छ ।