आज दिउँसो ४ बजे बजेट सार्वजनिक हुँदै

काठमाडौं । सरकारले आर्थिक वर्ष २०८३र८४ को वार्षिक बजेट आज दिउँसो ४ बजे सार्वजनिक गर्ने भएको छ । डा । स्वर्णिम वाग्लेले संघीय संसद्अन्तर्गत प्रतिनिधि सभा र राष्ट्रिय सभाको संयुक्त बैठकमा बजेट पेश गर्ने कार्यक्रम तय भएको हो । नेपालको संविधान २०७२ अनुसार प्रत्येक वर्ष जेठ १५ गते संघीय संसद्को संयुक्त बैठकमा आगामी आर्थिक वर्षको बजेट प्रस्तुत गर्नुपर्ने व्यवस्था छ । सोही संवैधानिक व्यवस्थाअनुसार सरकारले आज नयाँ बजेट ल्याउन लागेको हो ।

यसपटकको बजेट आर्थिक शिथिलता, कमजोर पुँजीगत खर्च र निजी क्षेत्रको घट्दो मनोबलबीच आउन लागेको छ । अर्थतन्त्रलाई चलायमान बनाउने, लगानी वातावरण सुधार गर्ने तथा रोजगारी सिर्जना गर्ने विषयमा सरकारले कस्ता कार्यक्रम ल्याउँछ भन्नेमा सर्वसाधारणदेखि निजी क्षेत्रसम्मको चासो केन्द्रित रहेको छ ।

यस्तै, राजस्व सङ्कलनको दबाब, बढ्दो सार्वजनिक ऋण र विकास खर्च कार्यान्वयनको चुनौतीबीच सरकारले कुन क्षेत्रमा प्राथमिकता दिन्छ भन्ने विषय पनि महत्वपूर्ण रूपमा हेरिएको छ । सरकारको आगामी बजेटले समग्र अर्थतन्त्रको दिशा तय गर्ने भएकाले यसको प्रभाव उद्योग, व्यापार, पूर्वाधार, कृषि, शिक्षा र सामाजिक क्षेत्रसम्म पर्ने अपेक्षा गरिएको छ ।