रसुवा बाढीमा अहिलेसम्म ७२ जनाको शव फेला

काठमाडौँ । रसुवाको भोटेकोशी नदीमा आएको भीषण बाढीबाट हालसम्म ७२ जनाको शव भेटिएको प्रहरीले जनाएको छ । फेला परेका शवमध्ये केहीको पहिचान खुल्न बाकीँ रहेको छ ।

बाढीमा परेका २८ जना प्रहरी कर्मचारी अझै सम्पर्कविहिन छन् । बुधबार बिहान चीनको तिब्बततर्फबाट आएको ल्हेन्दे बाढी भोटेकोशीमा मिसिएसपछि रसुवाको टिमुरे,मैलुङ लगायत क्षेत्रमा ठुलो क्षति पुगेको हो ।

बाढी प्रभावित क्षेत्रमा नेपाली सेना,नेपाल प्रहरी र सशस्त्र प्रहरीको टोलीले खोज तथा उद्धारलाई तीव्रता दिएका छन् । नेपाली सेनाका अनुसार हालसम्म ८८ जनाको उद्धार गरिएको छ । प्रभावितको उद्धारका लागि ६ वटा हेलिकप्टर परिचालन गरिएको छ । प्रभावितको उद्धारका लागि ६ वटा हेलिकप्टर परिचालन गरिएको सैनिक जनसम्पर्क तथा सूचना निर्देशनालयले जनाएको छ ।

बेपत्ता व्यत्तिको खोजी तथा फेला परेको शवको पहिचान गर्ने काम जारी रहेको प्रहरीले जनाएको छ ।