भोटेकोशी बाढीपीडितलाई सरकारले बनाइदिने भयो नयाँ रेडिमेड घर

काठमाडौँ । भोटेकोशी बाढीबाट विस्थापित परिवारलाई सरकारले तत्काल अस्थायी आवास उपलब्ध गराउनेदेखि दीर्घकालीन रुपमा नयाँ बस्ती निमार्ण गर्नेसम्मको योजना अघि सारेको छ ।

सरकारी योजनाअनुसार बाढीबाट प्रभावित ८ हजार ६९२ घरधुरीका ३९ हजार ११४ जनालाई पुनःस्थापना गरिनेछ । अहिले होल्डिङ सेन्टरमा राखिएका परिवारमध्ये त्यहाँ बस्न नचाहनेहरुलाई सरकारले घरभाडा उपलब्ध गराइने छ ।

चार जनासम्मको परिवारलाई मासिक १५ हजार रुपैँया र सोभन्दा बढी सदस्य भएका परिवारलाई थप प्रतिव्यक्ति २ हजार रुपैैँयाका दरले भाडमा रकम दिइनेछ ।

त्यस्तैगरी,दशैँअघि नै प्रभावित परिवारलाई क्याप्सुल हाउस हस्तान्तरण गर्ने तयारी छ । भान्छा र शौचालयसहित का १ देखि ३ बीएचकेसम्मका रेडिमेड घर तत्काल तयार गरी बसोबासको व्यवस्था मिलानइनेछ ।

दीर्घकालीन समाधानका रुपमा भने सरकारले दुई वर्षभित्र ल्यान्ड पुलिङ मार्फत टाउनसिप शैलीको एकीकृत बस्ती विकास गर्ने लक्ष्य लिएको छ । बस्ती निमार्णका लागि आवश्यक जग्गा पहिचानको काम सुरु भइसकेको छ ।

निजी जग्गा आवश्यक परे सरकारले खरिद गर्ने तथा सार्वजनिक वा वन क्षेत्र प्रयोग गर्नुपर्ने अवस्थामा सम्बन्धित प्रक्रिया पूरा गरिनेछ । पुनःस्थापनाको क्रममा स्थानीय तह र प्रभावित परिवारको सहभागिता पनि सुनिश्चित गरिने सरकारको भनाइ छ ।