ओमोडा जेइकू एनपीएल सिजन ३ को “पावर्ड बाइ” प्रायोजकमा आबद्ध

काठमाडौँ । नेपालमा ओमोडा जेइकू गाडीहरूको आधिकारिक वितरक एसपीजी अटोमोबाइल्स प्रा.लि.ले नेपाल प्रिमियर लिग (एनपीएल) २०२६ को तेस्रो संस्करणका लागि नेपाल क्रिकेट संघ (क्यान) सँगको सहकार्यलाई निरन्तरता दिएको छ।

२०२४ मा आयोजित एनपीएलको पहिलो संस्करणदेखि नै “ड्रिभन बाइ” पार्टनरका रूपमा आबद्ध हुँदै आएको ओमोडा जेइकू यस वर्ष प्रतियोगिताको “पावर्ड बाइ” प्रायोजकका रूपमा जोडिएको बताइएको छ। कम्पनीका अनुसार,यस सहकार्यले नेपाली क्रिकेटप्रतिको ब्रान्डको निरन्तर प्रतिबद्धता र देशमा बढ्दो खेलकुद संस्कृतिलाई प्रोत्साहन गर्ने प्रयासलाई थप सुदृढ बनाएको छ।

ओमोडा जेइकू एनपीएलको पहिलो संस्करणदेखि नै “ड्रिभन बाइ” पार्टनरका रूपमा प्रतियोगितासँग जोडिँदै आएको छ भने यस सहकार्यले नेपालकै चर्चित क्रिकेट प्रतियोगितामध्ये एकसँग ब्रान्डको बलियो सम्बन्ध स्थापित गरेको जनाइएको छ। निरन्तरको यस साझेदारीमार्फत ब्रान्डले देशभरका क्रिकेटप्रेमीहरूका लागि नवीनता, उत्साह र थप रोमाञ्चक अनुभव प्रदान गर्ने प्रयास गर्दै आएको बताइएको छ।

एनपीएलसँग ओमोडा जेइकूको सहकार्यको एक उल्लेखनीय पक्षका रूपमा प्रतियोगितामा उत्कृष्ट प्रदर्शन गर्ने “इलेक्ट्रिफाइङ प्लेयर अफ द टुर्नामेन्ट” लाई ओमोडा जेइकूले गाडी प्रदान गर्दै आउनुका साथै यस पहलले प्रतियोगितामा उत्कृष्ट प्रदर्शन, खेलाडीको प्रतिभा र क्रिकेटको रोमाञ्चकतालाई सम्मान गर्दै आएको जनाइएको छ। नेपाली क्रिकेटप्रतिको यो निरन्तर प्रतिबद्धताले घरेलु क्रिकेटको विकासमा योगदान पुर्याउनुका साथै प्रतियोगिताका खेलहरू र क्रिकेटप्रेमीहरूमाझ थप उत्साह सिर्जना गर्ने अपेक्षा गरिएको छ।

एनपीएल सिजन ३ को प्रतीक्षा र उत्साह बढ्दै जाँदा ओमोडा जेइकूले नेपाल क्रिकेट संघ (क्यान) सँग पुनः सहकार्य गर्दै यस वर्ष “पावर्ड बाइ” प्रायोजकका रूपमा आफ्नो साझेदारीलाई थप अघि बढाएको बताइएको छ। कम्पनीका अनुसार,यो सहकार्य ब्रान्डको नेपाली क्रिकेटसँगको यात्रामा अर्को महत्त्वपूर्ण उपलब्धि हो, जसले खेलकुदको उत्साह र अटोमोबाइल क्षेत्रको नवीनतालाई एकै ठाउँमा जोडेको छ।

एनपीएलसँगको निरन्तर आबद्धतामार्फत ओमोडा जेइकू क्रिकेटको उत्सव मनाउन र नेपाली खेलकुदको विकासमा साथ दिन प्रतिबद्ध रहेको ओमोडा जेइकूको दाबी छ। एनपीएल सिजन ३ ले देशभरका क्रिकेटप्रेमीलाई एकै ठाउँमा जोड्ने यस भव्य खेलकुद उत्सवको रूप लिँदै गर्दा ओमोडा जेइकू र क्यानबीचको सहकार्यले प्रतियोगितामा थप उत्साह थप्नुका साथै ब्रान्ड र नेपाली क्रिकेटप्रेमी समुदायबीचको सम्बन्धलाई अझ प्रगाढ बनाउने अपेक्षा गरिएको जनाइएको छ।