अरनिको डेभलपमेन्ट बैंक (ARDBL) ले ५१ हजार ९० कित्ता साधारण सेयर र ४३ हजार सात सय ५९ कित्ता संस्थापक सेयर माघ १० गतेदेखि सर्बसाधरणहरुलाई बोलकबोलबाट बेच्ने भएको छ ।

बैंकले कातिक ८ गतेदेखि ३६ प्रतिशत हकप्रद जारी गरेको थियो । बैंकले जारी गरेको हकप्रदमा नबिकेको सेयर बोलकबोलमा बेच्न लागेको हो । बोलकबोल आवेदन सिद्धार्थ क्यापिटल अनामनगर र अरनिको डेभलपमेन्ट बैंक धुलिखेलबाट माघ २४ गते सम्म कार्यालय समयभित्र बुझाउन सक्नेछन् ।

बोलकबोल माघ २५ गते तीन बजे बिक्री प्रबन्धक सिद्धार्थ क्यापिटलको कार्यालयमा खोलिने छ ।बोलकबोल गर्न ईच्छुक लगानीकर्ताले न्युनतम एक सय कित्ताका लागि आवेदन गर्न सक्नेछन् । बोलकबोल गर्नेले एक सय रुपैंयाँ भन्दा धरै मुल्य अंकित गरेर आवेदन दिन सक्नेछन् ।

बैंकको सेयर अन्तिम पटक असोज ३० गते नेप्सेमा तीन सय ७० रुपैंयाँमा कारोबार भएको थियो । बैंकले गत बर्षको नाफाबाट सेयरधनीलाई १७ प्रतिशत बोनस दिएको छ ।

सेञ्चुरी कर्मसियल बैंकसँग एक्वीजीसनमा गएको बैंकले चालु आर्थिक बर्षको पहिलो त्रैमाससम्मको अवधिमा ८१ लाख ७२ हजार खुद नाफा कमाएर प्रतिसेयर आम्दानी १२.६८ रुपैंयाँ कायम गरेको छ ।

स्रोत http://merolagani.com/NewsDetail.aspx?newsID=29416