फागुन २५, काठमाडौँ । नेपाल वैदेशिक रोजगार व्यवसायी संघका अध्यक्ष रोहन गुरुङको घरमा शुक्रबार राती भएको विष्फोटको घटनाको वैदेशिक रोजगार व्यवसायीहरुले कडा रुपमा निन्दा गरेका छन् ।
संघमा आबद्ध व्यवसायीहरुको शनिबार विहान बसेको भेलाले अध्यक्ष गुरुङको घरमा भएको विष्फोट भर्त्सना गर्दै आइतबार सम्पूर्ण म्यानपावर कम्पनीका कार्यालय बन्द गर्ने निर्णय गरेको संघका सचिव इश्वर जिसीले सझासबाललाई जानकारी दिए ।
भोलि एक दिन सबैले कार्यालय बन्द गर्ने निर्णय भएको छ, जिसीले भने ‘भोलि नै सम्पूर्ण म्यानपावर व्यवसायी भेला बोलाएर भेलाको म्यान्डेट अनुसार कसरी अगाडी बढ्ने निर्णय हुन्छ।’
यसै विच श्रम, रोजगार तथा सामाजिक सुरक्षामन्त्री गोकर्ण विष्टले संघका अध्यक्ष गुरुङको घरमा भएको विस्फोटको शनिबार विहान निरिक्षण गरेका छन् ।
क्षतिग्रस्त निवासको निरिक्षणपछि मन्त्री विष्टले व्यवसायीको सुरक्षाका लागि सरकार संवेदनशिल भएको बताउँदै व्यवसायीको अभिभावकत्व निभाउने बताए । मन्त्री विष्टले घटनाको संवेदनशिल भएर छानविन गर्नका प्रहरी प्रमुख र गृहसचिवलाई आग्रह गरेको बताए ।
