‘तपाईंसँग आउन सक्दिनँ ‘भन्दै बालुवाटारबाट फर्किए बामदेव

काठमाडौँ: विहीबार साँझ प्रधानमन्त्रीको सरकारी निवास बालुवाटारमा ओलीसँग भएको डिनर मिटिङमा कुरा नमिलेपछि ‘तपाईंसँग आउन पनि सक्दिनँ’ भन्दै बालुवाटारबाट गौतमले फर्किएका हुन् । नेकपा एमालेका उपाध्यक्ष बामदेव गौतमले डिनर मिटिङको क्रममा अध्यक्ष केपी शर्मा ओलीलाई साथ नदिने जवाफ फर्काएको गौतमको सचिवालयले जनाएको छ ।

आफूले ओलीसँग बैठकमा आउन सक्दिन भनेर जवाफ दिएको फेसबुकमार्फत् सार्वजनिक गरेका छन् । गौतमले भने, ‘त्यसो भए म तपाईंसँग आउन पनि सक्दिनँ भनेर जवाफ दिए। डिनर चल्दै थियो नमस्कार गरेर म बिदा भए ।’ ओलीसँग भएको कुराकानी सार्वजनिक गर्दै गत फागुन २८ गते गरिएका निर्णय फिर्ता नभएसम्म साथ नदिने जवाफ दिएको उनले बताए ।